ទាហានអ៊ុយក្រែនក្រុមដំបូង ដែលចូលរួមក្នុងកម្មវិធីហ្វឹកហ្វឺនយោធាថ្មី បានធ្វើដំណើរទៅដល់ចក្រភពអង់គ្លេសហើយ
យោងតាមក្រសួងការពារជាតិចក្រភពអង់គ្លេស បានឲ្យដឹងថា កងកម្លាំងអង់គ្លេស បានចាប់ផ្តើមបណ្តុះបណ្តាលទាហានអ៊ុយក្រែននៅក្នុងកម្មវិធីថ្មី ដើម្បីជួយដល់ការប្រយុទ្ធរបស់ពួកគេ ប្រឆាំងនឹងការលុកលុយរបស់រុស្ស៊ី។
ស្របពេលជាមួយគ្នានោះដែរ រដ្ឋមន្ត្រីក្រសួងការពារជាតិអង់គ្លេស លោក Ben Wallace បានទៅពិនិត្យមើលជំរំយោធានៅភាគពាយព្យ ជាកន្លែងដែលទាហានអ៊ុយក្រែនរហូតដល់ទៅ ១០ ០០០នាក់ ត្រូវបានគេរំពឹងថានឹងមកទទួលការបណ្តុះបណ្តាលយោធា៕
ប្រភព The Guardian ប្រែសម្រួលដោយគីរីដងរែក
