រដូវកាលប្រកួតប្រជែងពានរង្វាន់ VALORANT បានបិទបញ្ចប់ជាផ្លូវការហើយ៖ អ្នកគាំទ្រទទួលបានចំណីចក្ខុដ៏ជក់ចិត្តពីការប្រកួតលំដាប់កំពូលៗនៅទីក្រុងសៀងហៃ និងបានស្គាល់ឈ្មោះម្ចាស់ជើងឯកពិភពលោកថ្មី ខណៈក្រុមនានាបានសម្រាកពីការប្រកួតដើម្បីវាយតម្លៃលទ្ធផលរបស់ខ្លួនឡើងវិញ។ តើក្រុមណាដែលបង្ហាញភាពខ្លាំងដាច់គេក្នុងរដូវកាលនេះ? យើងនឹងបង្ហាញជូនលោកអ្នកនៅក្នុងការពិនិត្យឡើងវិញរបស់ 1xBet នេះ។
ស្ថិតិប្រចាំរដូវកាល
ក្នុងព្រឹត្តិការណ៍ជើងឯកពិភពលោកប្រាំលើកកន្លងមក ក្រុមមកពីអឺរ៉ុបធ្លាប់ឈ្នះម្តង (Acend ក្នុងឆ្នាំ 2021) ក្រុមមកពីចិនឈ្នះម្តង (EDward Gaming ក្នុងឆ្នាំ 2024) និងក្រុមមកពីទ្វីបអាមេរិកឈ្នះដល់ទៅបីដងគឺ៖ LOUD ក្នុងឆ្នាំ 2022, Evil Geniuses ក្នុងឆ្នាំ 2023 និង NRG ក្នុងឆ្នាំ 2025។
ពេញមួយរដូវកាលឆ្នាំ 2026 ក្រុមមកពីតំបន់ទ្វីបអាមេរិក និងប៉ាស៊ីហ្វិក បានគ្រប់គ្រងភាពខ្លាំងដាច់គេ។ នៅក្នុងព្រឹត្តិការណ៍ Masters លើកដំបូងនៅទីក្រុង Santiago ទោះបីជាក្រុមម្ចាស់ផ្ទះទទួលបានការគាំទ្រយ៉ាងកក្រើកពីអ្នកគាំទ្រក្នុងស្រុកក៏ដោយ ក៏ក្រុមកំពូលតារាង FURIA ត្រូវធ្លាក់ចេញក្រោយចាញ់ពីរប្រកួត ខណៈក្រុម NRG និង G2 Esports បានរបូតកៅអីវគ្គផ្តាច់ព្រ័ត្រទៅឱ្យតំណាងមកពីអាស៊ីគឺក្រុម Nongshim RedForce និង Paper Rex។
ទោះជាយ៉ាងណា ក្រុមមកពីទ្វីបអាមេរិកបានសងសឹកវិញនៅព្រឹត្តិការណ៍ Masters London ដោយក្រុម Leviatán បានវាយបកតស៊ូឆ្លងកាត់វគ្គខ្សែក្រោម រហូតឈានទៅផ្តួលក្រុម Paper Rex ដដែលនោះនៅវគ្គផ្តាច់ព្រ័ត្រតែម្តង។
ចំណុចខ្លាំងប្រចាំតំបន់
ក្រុម LOUD ដែលជាក្រុមមកពីប្រេស៊ីល និងជាម្ចាស់ជើងឯកឆ្នាំ 2022 បានផ្លាស់ប្តូរសមាសភាពក្រុមទ្រង់ទ្រាយធំមុនបើករដូវកាល 2026 ដោយបាននាំយកកីឡាករថ្មីចំនួនបីរូប។ ជាលទ្ធផល ក្រុមនេះបានបញ្ចប់ក្នុងចំណាត់ថ្នាក់លេខពីរប្រចាំលីគតំបន់របស់ខ្លួនជាលើកដំបូងក្នុងរយៈពេលពីរឆ្នាំ និងដណ្តើមបានកៅអីទៅលេងនៅព្រឹត្តិការណ៍ជើងឯកពិភពលោក។
យ៉ាងណាក្តី មានមនុស្សតិចណាស់ដែលចាត់ទុក LOUD ជាបេក្ខភាពប្រជែងពានរង្វាន់ VALORANT Champions 2026។ សូម្បីតែនៅក្នុងតំបន់របស់ខ្លួនផ្ទាល់ ក្រុមការពារតំណែងជើងឯក NRG, ក្រុមដែលរក្សាទម្រង់លេងបានល្អ G2 Esports និងក្រុម 100 Thieves មើលទៅសុទ្ធតែមានសង្ឃឹមខ្ពស់ជាង ដោយក្រុម 100 Thieves ទើបតែឈ្នះជើងឯកប្រចាំជុំទីពីរនៃលីគ និងព្រឹត្តិការណ៍ EWC 2026 ទៀតផង។ ក្រុមខ្លាំងៗផ្សេងទៀតក៏បានឡើងមកដល់ព្រឹត្តិការណ៍ជើងឯកនេះដែរ រួមមាន Paper Rex, Nongshim RedForce និង Team Liquid។
ក្រុម LOUD បានចាប់ផ្តើមដោយការឆ្លងផុតវគ្គចែកពូលជាមួយនឹងកំណត់ត្រាឈ្នះ 2 ចាញ់ 1 មុនពេលឡើងទៅដល់វគ្គផ្តាច់ព្រ័ត្រតាមរយៈវគ្គខ្សែលើ។ ក្នុងដំណើរឆ្ពោះទៅកាន់ជ័យជម្នះនេះ ពួកគេបានយកឈ្នះ Paper Rex (2-0), NRG (2-1) និងបំបាក់ Vitality ពីរលើក គឺលទ្ធផល 2-1 នៅវគ្គផ្តាច់ព្រ័ត្រខ្សែលើ និង 3-1 នៅវគ្គផ្តាច់ព្រ័ត្រដណ្តើមជើងឯក។ ក្រុមមកពីទ្វីបអាមេរិកផ្សេងទៀតក៏បង្ហាញទម្រង់លេងយ៉ាងរឹងមាំផងដែរ៖ 100 Thieves ដណ្តើមបានមេដាយសំរឹទ្ធ, G2 Esports បញ្ចប់ក្នុងចំណាត់ថ្នាក់លេខបួន និង NRG ទទួលបានចំណាត់ថ្នាក់លេខប្រាំ។
ជាលទ្ធផល ក្រុមទាំងបួនមកពីលីគទ្វីបអាមេរិកសុទ្ធតែបានបញ្ចប់ក្នុងចំណាត់ថ្នាក់កំពូលទាំង 6 នៃព្រឹត្តិការណ៍ជើងឯកពិភពលោក ដែលគូសបញ្ជាក់ពីភាពខ្លាំង និងកេរ្តិ៍ឈ្មោះរបស់តំបន់នេះនៅលើឆាកអន្តរជាតិ។
ចំណាត់ថ្នាក់បច្ចុប្បន្នមានដូចខាងក្រោម៖
- ទ្វីបអាមេរិក៖ ក្រុម LOUD គឺជាម្ចាស់ជើងឯក ហើយក្រុមទាំងបួនសុទ្ធតែស្ថិតក្នុងចំណាត់ថ្នាក់កំពូលទាំង 6។
- តំបន់អឺរ៉ុប មជ្ឈិមបូព៌ា និងអាហ្វ្រិក (EMEA)៖ ក្រុម Vitality ដណ្តើមបានមេដាយប្រាក់ ប៉ុន្តែក្រុមបីផ្សេងទៀតបានបញ្ចប់ក្នុងចំណាត់ថ្នាក់ពីលេខ 9 ដល់លេខ 12។
- តំបន់ប៉ាស៊ីហ្វិក៖ ក្រុមទាំងបីក្នុងចំណោមបួនក្រុមស្ថិតនៅចំណាត់ថ្នាក់លេខ 5-6 (T1) និងលេខ 7-8 (Paper Rex, Nongshim RedForce)។
- ប្រទេសចិន៖ បរាជ័យទាំងស្រុង – ក្រុមទាំងបួនមិនស្គាល់រសជាតិឈ្នះសោះ ធ្លាក់ត្រឹមវគ្គចែកពូល និងបញ្ចប់នៅបាតតារាងទាំងអស់។
ការប្រៀបធៀបទម្រង់លេង
ក្រុមមកពីទ្វីបអាមេរិកត្រូវបានគេស្គាល់តាមរយៈការលេងស៊ីចង្វាក់គ្នាយ៉ាងល្អ ភាពបត់បែនទប់ទល់នឹងគូប្រកួតគ្រប់កាលៈទេសៈ និងសមត្ថភាពលេងទោលដ៏រឹងមាំ។ ចំណែកម្ចាស់ជើងឯកពិភពលោកថ្មី LOUD បានបន្ថែមរបៀបលេងវាយលុកដ៏សន្ធាប់ និងក្បាច់លេងដែលមិនអាចស្មានដឹងមុន ទៅលើទម្រង់លេងជាមូលដ្ឋាននេះ ដែលជាកត្តាជួយឱ្យពួកគេគ្រងជើងឯកព្រឹត្តិការណ៍ដ៏ធំបំផុតប្រចាំឆ្នាំ។
ក្រុមអឺរ៉ុបត្រូវបានគេស្គាល់តាមរយៈរបៀបលេងតាមក្បួនខ្នាត ការអនុវត្តយ៉ាងមានវិន័យតាមយុទ្ធសាស្ត្រដែលបានគ្រោងទុក និងមិនសូវផ្តោតលើថ្វីដៃបាញ់របស់កីឡាករម្នាក់ៗឡើយ។ ប៉ុន្តែអ្វីដែលគួរឱ្យកត់សម្គាល់នោះគឺ សម្រាប់ម្ចាស់មេដាយប្រាក់ Vitality សមត្ថភាពកីឡាករម្នាក់ៗបែរជាចំណុចបង្កើតភាពខុសប្លែកទៅវិញ៖ កីឡាកររបស់ក្រុមនេះបានកាន់កាប់ចំណាត់ថ្នាក់លេខពីរ លេខបី និងលេខបួន ក្នុងចំណោមកីឡាករទាំងបួនដែលរកពិន្ទុបានខ្ពស់ជាងគេបំផុត។
តំបន់ប៉ាស៊ីហ្វិកតែងតែរៀបចំទម្រង់លេងរបស់ខ្លួនជុំវិញការផ្លាស់ទីដោយមិនឱ្យគូប្រកួតដឹងខ្លួន ការបើកការប៉ះទង្គិចយកសម្លាប់ដំបូង និងការលេងសម្រុកយ៉ាងខ្លាំងក្លាពីសំណាក់កីឡាករដែលមានសមត្ថភាពលេងទោលខ្ពស់។ យុទ្ធសាស្ត្រនេះនៅតែទទួលបានជោគជ័យ ប៉ុន្តែគូប្រកួតស្ទើរតែទាំងអស់បានសិក្សាពីវាយ៉ាងស៊ីជម្រៅ និងរៀនពីវិធីទប់ទល់រួចទៅហើយ។
ទម្រង់លេងរបស់ក្រុមចិនមានលក្ខណៈស្រដៀងទៅនឹងតំបន់ប៉ាស៊ីហ្វិកដែរ ដោយផ្តោតលើល្បឿនលឿន ការផ្លាស់ទីរហ័ស និងការដាក់សម្ពាធជាប្រចាំ។ ទោះជាយ៉ាងណា កីឡាករក្នុងស្រុកនៅខ្វះសមត្ថភាពលេងទោលដែលចាំបាច់សម្រាប់ការដណ្តើមជ័យជម្នះក្នុងព្រឹត្តិការណ៍អន្តរជាតិ។
រដូវកាលប្រកួតប្រជែង VALORANT បន្ទាប់នឹងមិនទាន់ចាប់ផ្តើមទេរហូតដល់ខែមករា ឆ្នាំ 2027 ប៉ុន្តែកុំបារម្ភអី នៅមានកម្មវិធីជាច្រើនដើម្បីផ្តល់ការកម្សាន្តជូនលោកអ្នក៖ 1xBet ផ្តល់ជូននូវព្រឹត្តិការណ៍កីឡា និងកីឡាអេឡិចត្រូនិកយ៉ាងសម្បូរបែប តម្រូវគ្រប់ចំណង់ចំណូលចិត្ត។ ចូលទៅកាន់វេទិកាអន្តរជាតិដែលទទួលបានទំនុកចិត្តខ្ពស់មួយនេះ ហើយលោកអ្នកច្បាស់ជានឹងស្វែងរកឃើញអ្វីដែលរំភើបជក់ចិត្ត និងត្រូវចិត្តរបស់អ្នកជាក់ជាមិនខាន!
ដោយគិរីដងរែក
