(បន្ទាយមានជ័យ)៖ នៅព្រឹកថ្ងៃសៅរ៍ ទី០៨ ខែសីហា ឆ្នាំ២០២៦ លោកឧត្តមសេនីយ៍ត្រី បោ ន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ អមដំណើរលោកនាយឧត្តមសេនីយ៍ សៅសុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស រួមនឹងប្រតិភូអមដំណើរបានអញ្ជើញចុះពិនិត្យមើលវឌ្ឍនភាពនៃការសាងសង់អគារមន្ទីរស្រាវជ្រាវនិងបង្រ្កាបបទល្មើស នៃបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ដែលសម្រេចការសាងសង់ប្រមាណ៦០% ដែលមានទីតាំងស្ថិតនៅក្នុងសង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
ឆ្លៀតក្នុងឱកាសនោះដែរលោកនាយឧត្តមសេនីយ៍ សៅ សុខា ក៏បានអញ្ជើញបន្តដំណេីរចុះពិនិត្យមេីលទីលាន បាល់ទាត់ដែលមានស្មៅធម្មជាតិ ស្ដង់ដា ដំបូងគេ នៅក្នុងក្រុងសិរីសោភ័ណ ដោយមានការរៀបចំនៅកន្លែងភ្ញៀវកត្តិយស ទស្សនាពេលមានការប្រកួត មានបន្ទប់សម្រាប់អាជ្ញាកណ្ដាលក្រុមកីឡាករ មានកន្លែង អង្គុយ ទស្សនា ថែមទាំងមានភ្លើង បំភ្លឺសម្រាប់ការប្រកួតពេលយប់ទៀតផង។
គិរីដងរែក
