ប្រទេសចិនកាលពីថ្ងៃអាទិត្យបានប្រកាសថា ខ្លួននឹងធ្វើសមយុទ្ធយោធាបាញ់គ្រាប់ពិតនៅសមុទ្រលឿង និងសមុទ្រ Bohai។ រដ្ឋបាលសុវត្ថិភាពដែនសមុទ្របាននិយាយក្នុងសេចក្ដីថ្លែងការណ៍ថា សមយុទ្ធនៅសមុទ្រ Bohai នឹងត្រូវធ្វើឡើងចាប់ពីថ្ងៃទី៨ខែសីហានេះដល់ថ្ងៃទី៨ខែកញ្ញា ចំណែកសមយុទ្ធមួយទៀតនៅសមុទ្រលឿង បានធ្វើកាលពីថ្ងៃ ទី៧ និងបន្តរហូតដល់ថ្ងៃទី១៥ខែសីហានេះ។
ក្រុងប៉េកាំងបានធ្វើសមយុទ្ធយោធាទ្រង់ទ្រាយធំបំផុតនៅជុំវិញកោះតៃវ៉ាន់កាលពីថ្ងៃព្រហស្បតិ៍សប្ដាហ៍មុន បន្ទាប់ពីដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi មកកាន់កោះស្វ័យគ្រប់គ្រងមួយនេះ ដែលរងការព្រមានធ្ងន់ៗពីប្រទេសចិន។
ប្រភព The Japan Time ប្រែសម្រួលដោយគីរីដងរែក
