យន្តហោះចម្បាំងទួរគីបានធ្វើការវាយប្រហារតាមអាកាសថ្មីប្រឆាំងនឹងទីតាំងដែលសង្ស័យថាជាក្រុមសកម្មប្រយុទ្ធឃឺដនៅភាគខាងជើងប្រទេសអ៊ីរ៉ាក់ប៉ុន្មានថ្ងៃបន្ទាប់ពីការវាយប្រហារដោយគ្រាប់បែកអត្តឃាតនៅក្នុងរដ្ឋធានីទួរគី។
PKK បានអះអាងទទួលខុសត្រូវចំពោះការវាយប្រហារអត្តឃាតនេះ បើយោងតាមគេហទំព័រព័ត៌មានស្និទ្ធនឹងក្រុមនេះ។ ក្រុមនេះបានដឹកនាំការបះបោរអស់រយៈពេលជាច្រើនទសវត្សរ៍នៅក្នុងប្រទេសទួរគី ហើយត្រូវបានចាត់ទុកថាជាអង្គការភេរវកម្មដោយសហរដ្ឋអាមេរិក និងសហភាពអឺរ៉ុប។ មនុស្សរាប់ម៉ឺននាក់បានស្លាប់ចាប់តាំងពីការចាប់ផ្តើមនៃជម្លោះក្នុងឆ្នាំ 1984 ។
រដ្ឋមន្ត្រីក្រសួងមហាផ្ទៃបាននិយាយថា មនុស្ស៩២៨នាក់បន្ថែមទៀតដែលសង្ស័យថាកាន់អាវុធគ្មានច្បាប់អនុញ្ញាត ឬជាប់ពាក់ព័ន្ធនឹងការរត់ពន្ធអាវុធត្រូវបានចាប់ខ្លួនក្នុងអំឡុងពេលប្រតិបត្តិការ ប៉ុន្តែលោកមិនបានបញ្ជាក់ភ្លាមៗថា តើជនសង្ស័យដែលចាប់ខ្លួនពីបទប្រើប្រាស់អាវុធខុសច្បាប់ត្រូវបានសង្ស័យថាមានទំនាក់ទំនងនឹង PKK ដែរឬទេ។ លោកបានបន្ថែមថាអាវុធជាង៨៤០ ដើមត្រូវបានរឹបអូសក្នុងពេលប្រតិបត្តិការ។
អ្នកសារព័ត៌មានអាយុ 73 ឆ្នាំម្នាក់ក៏ត្រូវបានឃុំខ្លួនមួយរយៈខ្លីកាលពីថ្ងៃអង្គារផងដែរ បន្ទាប់ពីនាងបានសាកសួរព័ត៌មានលម្អិតអំពីគណនីផ្លូវការនៃការវាយប្រហារលើទូរទស្សន៍ Halk TV ។
Aysenur Arslan ត្រូវបានឃុំខ្លួននៅក្នុងផ្ទះរបស់នាង បន្ទាប់ពីព្រះរាជអាជ្ញាបានចោទប្រកាន់នាងពីបទ “ការឃោសនាភេរវកម្ម” និង “សរសើរសកម្មភាពឧក្រិដ្ឋកម្ម”។
ប្រភព ABC News ប្រែសម្រួលដោយគិរីដងរែក
