ក្រសួងឧស្សាហកម្ម និងពាណិជ្ជកម្មវៀតណាម បានចេញសារាចរកំណត់ការនាំចូលអង្ករ និងស្លឹកថ្នាំជក់ស្ងួត ដែលមានប្រភពពីកម្ពុជា ក្រោមកូតាពន្ធសម្រាប់ឆ្នាំ២០២១ និងឆ្នាំ២០២២។
សារាចរលេខ 06/2022/TT-BCT កំណត់កូតានាំចូលអង្ករ និងស្លឹកថ្នាំជក់ស្ងួត ដែលមានប្រភពពីកម្ពុជា ដែលទទួលបានអត្រាពន្ធនាំចូលពិសេសចូលប្រទេសវៀតណាមសម្រាប់រយៈពេលពីរឆ្នាំ។
កូតា ពន្ធ នាំ ចូល សរុប ក្នុង ឆ្នាំ ២០២១ និង ២០២២ ពី កម្ពុជា សម្រាប់ អង្ករ គ្រប់ ប្រភេទ មាន ៣០ ម៉ឺន តោន ក្នុង មួយ ឆ្នាំ ( សម្រាប់ ស្រូវ អត្រា ប្តូរ ២ គីឡូក្រាម ស្មើនឹង អង្ករ ១ គីឡូក្រាម ) ខណៈ កូតា ពន្ធ នាំ ចូល ស្លឹក ថ្នាំជក់ ស្ងួត មាន ៣.០០០ តោន ក្នុង មួយ ឆ្នាំ។
ឯកសារនេះបានចែងទៀតថា ដើម្បីទទួលបានអត្រាពន្ធនាំចូលអនុគ្រោះពិសេស ផលិតផលត្រូវតែមានលិខិតបញ្ជាក់ប្រភពដើមទំនិញទម្រង់ (S) ដែលចេញដោយក្រសួងពាណិជ្ជកម្មកម្ពុជា ឬភ្នាក់ងារដែលមានការអនុញ្ញាត ហើយនីតិវិធីគយត្រូវធ្វើឡើងនៅច្រកព្រំដែន ដូចដែលមាននៅក្នុងឧបសម្ព័ន្ធលេខ ២ ភ្ជាប់ជាមួយសារាចរនេះ។
ចំពោះស្លឹកថ្នាំជក់ស្ងួត អ្នកនាំចូលត្រូវបង្ហាញអាជ្ញាប័ណ្ណនាំចូលថ្នាំជក់ឆៅក្រោមកូតាពន្ធដែលចេញដោយ MoIT តាមក្រិត្យលេខ 69/2018/ND-CP ចុះថ្ងៃទី១៥ ខែឧសភា ឆ្នាំ២០១៨។សារាចរលេខ 06/2022/TT-BCT នឹងចូលជាធរមានចាប់ពីថ្ងៃទី១៥ ខែមេសា ដល់ចុងខែធ្នូ ឆ្នាំ២០២២
ប្រភព VNA ដោយគីរីដងរែក
