29.9 C
Phnom Penh
Tuesday, November 17, 2026
- Advertisement -spot_img

បទវិភាគ​៖រួមគ្នាបង្កើត​អនាគតតំបន់​អាស៊ី-ប៉ាស៊ីហ្វិកថ្មី “ពេលវេលា Shenzhen ” នៃ APEC ទទួលបាន​ការចាប់អារម្មណ៍​យ៉ាងខ្លាំង​​  

- Advertisement -spot_img

“រួមគ្នាគ្រោងផែនការ​ការអភិវឌ្ឍនិង​វិបុលភាពនៃ​តំបន់អាស៊ី-ប៉ាស៊ីហ្វិក” “លទ្ធផល​ជាក់ស្តែង​ទទួលបាន​ការរំពឹងទុក​យ៉ាងខ្លាំង” “ពិភពលោក​ទាំងមូល​ចាប់អារម្មណ៍​យ៉ាងខ្លាំង” “មាន​អត្ថន័យដ៏​ជ្រាលជ្រៅ”… ចាប់ពីថ្ងៃទី១៨ ដល់ថ្ងៃទី១៩ ខែវិច្ឆិកា កិច្ចប្រជុំក្រៅផ្លូវការ​លើកទី៣៣ របស់មេដឹកនាំនៃអង្គការ​សហប្រតិបត្តិការសេដ្ឋកិច្ច​អាស៊ី-ប៉ាស៊ីហ្វិក (APEC) នឹង​ប្រព្រឹត្តទៅនៅទីក្រុង Shenzhen ប្រទេសចិន ដែលត្រូវបាន​ទទួលការចាប់អារម្មណ៍​ខ្ពស់ពី​សហគមន៍​អន្តរជាតិ ។ លោក Eduardo Pedrosa ប្រធាន​ប្រតិបត្តិនៃ​លេខាធិការដ្ឋាន APEC បានថ្លែងថា ចិនបន្តជំរុញឱ្យ​តំបន់អាស៊ី-ប៉ាស៊ីហ្វិករហូតដល់​ទូទាំងពិភពលោក​សម្រេចបាន​នូវវិបុលភាព​កម្រិតកាន់តែខ្ពស់ ហើយរំពឹងទុកថា ភាគីពាក់ព័ន្ធ​នានានឹងរួមគ្នា​ពិភាក្សានៅ​ក្នុងកិច្ចប្រជុំក្រៅផ្លូវការ​នៃថ្នាក់ដឹកនាំ APEC លើកនេះ អំពីវិធីសាស្ត្រ​ពង្រីកលំហ​តាមរយៈ​ការបើកទូលាយ ជំរុញ​ការអភិវឌ្ឍតាមរយៈ​នវានុវត្តន៍ និងជំរុញ​បរិយាប័ន្នតាមរយៈ​កិច្ចសហប្រតិបត្តិការ។ បើយើង​សង្កេតមើល​ឲ្យគ្រប់ជ្រុង នោះអាចយល់ដឹង​កាន់តែច្បាស់ថា ហេតុអ្វីបាន​ជា“ពេលវេលា Shenzhen ” នៃ APEC ទទួលបាន​ការចាប់អារម្មណ៍​យ៉ាងខ្លាំង ។

បើមើលពី​បរិការណ៍​អន្តរជាតិ ការប៉ះទង្គិចភូមិសាស្ត្រ​នយោបាយ​បានកើនឡើង ឯកតោភាគីនិយម និងគាំពារនិយមងើប​ឡើងវិញ ហើយសណ្តាប់ធ្នាប់​សេដ្ឋកិច្ចនិង​ពាណិជ្ជកម្ម​អន្តរជាតិកំពុង​ប្រឈមមុខនឹង​បញ្ហាប្រឈម​យ៉ាងធ្ងន់ធ្ងរ ។ ទន្ទឹមនឹងនេះ បដិវត្តន៍វិទ្យាសាស្ត្រ​បច្ចេកវិទ្យា និងការផ្លាស់ប្តូរ​ឧស្សាហកម្ម​ជំនាន់ថ្មីកំពុងវិវត្ត​យ៉ាងស៊ីជម្រៅ ហើយ​កម្លាំងចលករ​អភិវឌ្ឍន៍​ថ្មីកំពុង​ប្រមូលផ្តុំ ។ បើមើលពី​តំបន់អាស៊ី-ប៉ាស៊ីហ្វិក ឆ្នាំនេះជាខួប ២០ ឆ្នាំនៃ​ការលើកឡើង​ពីទស្សនទានតំបន់​ពាណិជ្ជកម្មសេរី​អាស៊ី-ប៉ាស៊ីហ្វិកដោយ​មេដឹកនាំអង្គការ APEC ហើយ​ការបើកទូលាយ និងកិច្ចសហប្រតិបត្តិការ​គឺជាសំឡេងរួម​របស់រដ្ឋសមាជិក​ទាំងអស់ ។ ចំពោះ​ប្រទេសចិន ឆ្នាំនេះគឺ​ជាខួប ៣៥ ឆ្នាំនៃការចូលជា​សមាជិក​អង្គការ APEC ហើយក៏​ជាឆ្នាំនៃ​ការចាប់ផ្តើម​អនុវត្ត“ផែនការ​អភិវឌ្ឍន៍ជាតិ៥​ឆ្នាំទី១៥” ដែល​សេចក្តីសង្ខេបនៃ “ផែនការ​អភិវឌ្ឍន៍ជាតិ​៥ឆ្នាំទី១៥” បានបញ្ជាក់​យ៉ាងច្បាស់ថា “ពង្រីក​ការបើកទូលាយ​កម្រិតខ្ពស់និង​បង្កើតនិម្មាបនកម្មថ្មីនៃ​កិច្ចសហប្រតិបត្តិការ​ឈ្នះ-ឈ្នះ” ។ នៅក្នុងចំណុច​ប្រសព្វនៃ​ព្រឹត្តិការណ៍​ប្រវត្តិសាស្ត្រជាច្រើន​ពិភពលោករំពឹងទុកថា ការធ្វើជា​ម្ចាស់ផ្ទះ APEC ជាលើកទី៣ របស់ប្រទេសចិន​មិនត្រឹមតែបាន​បំពេញបន្ថែម​កម្លាំងចលករ​ដ៏ខ្លាំងក្លាដល់​កិច្ចសហប្រតិបត្តិការ​តំបន់អាស៊ី-ប៉ាស៊ីហ្វិក​ប៉ុណ្ណោះទេ ប៉ុន្តែថែម​ទាំងក៏ផ្តល់​ភាពប្រាកដប្រជា ស្ថិរភាព និងកម្លាំងវិជ្ជមាន​កាន់តែច្រើន​ដល់កំណើន​សេដ្ឋកិច្ច​ពិភពលោក និង​កិច្ចសហប្រតិបត្តិការ​អន្តរជាតិផងដែរ ។  

ចាប់តាំងពី​ដើមឆ្នាំនេះមក ភាគីចិនរួមជាមួយ​អង្គភាពសេដ្ឋកិច្ចដែល​ជារដ្ឋសមាជិក​អង្គការ APEC ទាំងអស់​បានរៀបចំ​កិច្ចប្រជុំ និងសកម្មភាព​ផ្សេងៗរបស់ APEC ជាង ៣០០ លើក​ដោយជោគជ័យ ក្រោម​ប្រធានបទ “កសាង​សហគមន៍អាស៊ី-ប៉ាស៊ីហ្វិក ជំរុញ​វិបុលភាពរួម”​និងវិស័យ​អាទិភាពទាំងបី​គឺ “ការបើកទូលាយ នវានុវត្តន៍និង​កិច្ចសហប្រតិបត្តិការ” ដោយ​ឈានដល់​គំនិតឯកភាពរួម និង​កិច្ចសហប្រតិបត្តិការ​មួយចំនួន ដែលបាន​ចាក់គ្រឹះដ៏រឹងមាំ​សម្រាប់​កិច្ចប្រជុំក្រៅផ្លូវការ​របស់មេដឹកនាំ APEC ដែលនឹងប្រព្រឹត្ត​ទៅខាងមុខនេះ ។ សហគមន៍​អន្តរជាតិរំពឹង​ជាទូទៅថា រដ្ឋសមាជិក​នានានៃអង្គការ APEC នឹងប្រមូលផ្តុំ​គំនិតឯកភាពរួម​បន្ថែមទៀត សម្រេច​បាននូវ​សេចក្តីប្រកាស Shenzhen របស់មេដឹកនាំ និងទទួល​បានសមិទ្ធផល​ជាក់ស្តែងកាន់តែ​ច្រើនក្នុងវិស័យ​សំខាន់ៗដូចជា ពាណិជ្ជកម្ម ការតភ្ជាប់ សេដ្ឋកិច្ច​ឌីជីថល និងបញ្ញាសិប្បនិម្មិត(AI)ជាដើម ដើម្បីជំរុញឱ្យ​ការកសាង​សហគមន៍​អាស៊ី-ប៉ាស៊ីហ្វិក​ប្រែពីគោលដៅ​ទៅជាសកម្មភាព និងពីផែនការ​មេទៅជា​ការពិតជាក់ស្តែង ។  “ខ្យល់ព្យុះកាន់តែខ្លាំង កាន់តែត្រូវរួមទូក​តែមួយពុះពារឧបសគ្គ ។” ទីក្រុង Shenzhen នៅ​ខែវិច្ឆិកានឹងធ្វើជាសាក្សី​នៃការរួមមាគ៌ា​ជាមួយអង្គភាព​សេដ្ឋកិច្ចដែល​ជារដ្ឋសមាជិកនានា​នៃអង្គការ APEC ប្រកាន់ខ្ជាប់នូវ​គោលបំណង​ដើមរបស់ APEC ក្នុងការជំរុញ​កំណើនសេដ្ឋកិច្ច និងលើកកម្ពស់​សុខុមាលភាពប្រជាជន កសាង​និម្មាបនកម្មបើកទូលាយ រួមគ្នា​កសាង​ប្រព័ន្ធអេកូឡូស៊ី​នវានុវត្តន៍ ពង្រីកមាគ៌ានៃ​កិច្ចសហប្រតិបត្តិការ ជំរុញឱ្យ​ការកសាង​សហគមន៍​អាស៊ី-ប៉ាស៊ីហ្វិក​ឲ្យកាន់តែ​ស៊ីជម្រៅ និងរឹងមាំ ដើម្បីរួមចំណែក​កម្លាំង “អាស៊ី-ប៉ាស៊ីហ្វិក” កាន់តែច្រើន​ដល់កំណើនសេដ្ឋកិច្ច​ពិភពលោក ៕

ដោយគិរីដងរែក

- Advertisement -spot_imgspot_img

ព័ត៌មានចុងក្រោយ

អានបន្ដ

- Advertisement -spot_img