យោធាអ៊ុយក្រែនបាននិយាយថាខ្លួនបានគ្រប់គ្រង”តំបន់គៀវទាំងមូល”ឡើងវិញបន្ទាប់ពីរុស្ស៊ីបានដកខ្លួនចេញពីទីក្រុងសំខាន់ៗជាច្រើននៅជិតរដ្ឋធានី។”Irpin, Bucha, Hostomel និងតំបន់គៀវទាំងមូលត្រូវបានរំដោះ”អនុរដ្ឋមន្ត្រីការពារជាតិអ៊ុយក្រែនGannaMaliarបានប្រកាសកាលពីថ្ងៃទី២ខែមេសាដោយសំដៅលើទីប្រជុំជនដែលត្រូវបានខូចខាតយ៉ាងធ្ងន់ធ្ងរចាប់តាំងពីរុស្ស៊ីចាប់ផ្តើមប្រតិបត្តិការយោធា។ព្រឹត្តិការណ៍នៅអ៊ុយក្រែននៅថ្ងៃទី២៤ខែកុម្ភៈ។យោធាអ៊ុយក្រែនបានប្រកាសថាខ្លួនបានគ្រប់គ្រងទីក្រុង Irpin និង Bucha មកវិញនៅខាងក្រៅរដ្ឋធានីគៀវ ក្នុងសប្តាហ៍នេះ។
ទីក្រុងទាំង២បានកត់ត្រាការស្លាប់ជនស៊ីវិលយ៉ាងច្រើន ។អ្នកយកព័ត៌មាន AFP បានឃើញសាកសពយ៉ាងតិច ២០ នាក់នៅតាមផ្លូវក្នុង ក្រុងBuch a។អភិបាលក្រុងBuchaបាននិយាយថាមនុស្ស២៨០នាក់ត្រូវបានកប់នៅក្នុងផ្នូរដ៏ធំ។ក្រុមមន្ត្រីបាននិយាយថាមនុស្សយ៉ាងហោចណាស់២០០នាក់ត្រូវបានសម្លាប់នៅក្នុងទីក្រុងIrpin ចាប់តាំងពីការចាប់ផ្តើមនៃការប្រយុទ្ធគ្នា។
អ្នកបោសសម្អាតមីនបានបោសសម្អាតគ្រឿងផ្ទុះចំនួន៦៤៣កន្លែងចាប់តាំងពីកងកម្លាំងអ៊ុយក្រែនដណ្តើមបាន Irpin មកវិញ។រុស្ស៊ីបានគ្រប់គ្រងអាកាសយានដ្ឋាន Antonov ក្នុងទីក្រុង Hostomel ចាប់តាំងពីថ្ងៃដំបូងនៃប្រតិបត្តិការយោធា។ រូបថតផ្កាយរណប កាលពី ថ្ងៃ ទី ៣១មីនាបង្ហាញថាកងកម្លាំង រុស្ស៊ីបានចាកចេញពីទីតាំងនេះ។
អ្នកចរចារុស្ស៊ីបានប្រកាសកាលពីសប្តាហ៍មុនថាយោធានឹងកាត់បន្ថយយ៉ាងខ្លាំងនូវប្រតិបត្តិការនៅក្នុងតំបន់មួយចំនួនរួមទាំងជុំវិញទីក្រុងគៀវដើម្បីបង្កើនទំនុកចិត្តរវាងភាគីទាំង២។ ទីប្រឹក្សាប្រធានាធិបតីអ៊ុយក្រែនក៏បាននិយាយផងដែរថារុស្ស៊ីកំពុងដកខ្លួនចេញពីភាគខាងជើងនៃប្រទេស ដើម្បីផ្តោតលើភាគខាងកើតនិងភាគខាងត្បូងអ៊ុយក្រែន។អ៊ុយក្រែន ប៉ាន់ ស្មាន ថាមនុស្ស យ៉ាង ហោច ណាស់ ២០.០០០ នាក់ ត្រូវបានសម្លាប់ចាប់តាំងពីជម្លោះផ្ទុះឡើង។
ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សបានកត់ត្រាការស្លាប់របស់ជនស៊ីវិលចំនួន១,៣២៥នាក់និងរបួសជនស៊ីវិលចំនួន២,០១៧នាក់។ប៉ុន្តែបាននិយាយថាចំនួនពិតប្រាកដអាចមានច្រើនជាងនេះ។ ជនភៀសខ្លួនជាង៤.១លាននាក់បានភៀសខ្លួនចេញពីអ៊ុយក្រែន។
ប្រភព BBC
ប្រែសម្រួលដោយ៖គីរីដងរែក
