សង្គ្រាមនៅ អ៊ុយក្រែន ៖ IMF ព្រមាន អំពី « ផលប៉ះពាល់ធ្ងន់ធ្ងរ » លើសេដ្ឋកិច្ចពិភពលោក

អ៊ុយ ក្រែ ន ៖ មូលនិធិ រូបិយវត្ថុអន្តរជាតិ ហៅកាត់ថា IMF កាលពីថ្ងៃ សៅរ៍ ទី៥ មីនា ម្សិលមិញនេះ បានព្រមាន អំពី « ផល ប៉ះពាល់ យ៉ាងធ្ងន់ធ្ងរ » ដល់សេដ្ឋកិច្ច ពិភពលោក ដោយសារសង្គ្រាម នៅអ៊ុយក្រែន ។
មូលនិធិ នេះ បានសរសេរនៅក្នុងសេចក្តីថ្លែងការណ៍ មួយថា « ខណៈ ពេលដែលស្ថានភាពនៅតែមានភាពក្តៅ គគុកខ្ពស់ហើយ ទស្សនវិស័យ គឺស្ថិត នៅក្រោម ភាពមិន ប្រាកដប្រជា មិនធម្មតាផលវិបាក ផ្នែកសេដ្ឋកិច្ច គឺធ្ងន់ធ្ងររួចទៅហើយ » ។ « ប្រសិនបើ ជម្លោះ កើនឡើង ការខូចខាត សេដ្ឋកិច្ច នឹងកាន់តែអាក្រក់ទៅ ៗ» ។

សេចក្តីថ្លែងការណ៍ របស់ IMF បាននិយាយថា តម្លៃ ថាមពល និងទំនិញ ជាច្រើនមុខ លើ ពិភពលោក បានកើនតម្លៃឡើងខ្ពស់ ដោយបន្ថែមលើ អតិផរណាដែលមានស្រាប់ ។ ការដាក់ទណ្ឌកម្មធំៗ ជាច្រើនប្រឆាំង នឹង រុស្ស៊ីក៏ នឹងមានផលវិបាកយ៉ាង ទូលំទូលាយ និងកាន់តែធ្ងន់ធ្ងរផងដែរ ។

IMF បាននិយាយ ថាប្រទេសដែលមាន ទំនាក់ទំនង សេដ្ឋកិច្ចជិត ស្និទ្ធជាមួយអ៊ុយ ក្រែន និង រុស្ស៊ី នឹងរងផលប៉ះពាល់យ៉ាង ខ្លាំង ជា ពិសេសជាមួយនឹង ហានិភ័យភាព ខ្វះខាត និង ការរំខានការផ្គត់ផ្គង់ បូករួម នឹងភាពតានតឹងដែលបណ្តាលមកពីលំហូរ ជនភៀសខ្លួនហក់ឡើងដោយសារតែសង្គ្រាម ។

ក្រុមប្រឹក្សាប្រតិបត្តិ របស់ IMFបានជួបកាលពី ថ្ងៃ សុក្រ ដើម្បីពិភាក្សា អំពីផលប៉ះពាល់សេដ្ឋកិច្ច នៃសង្គ្រាមរុស្ស៊ី – អ៊ុយក្រែន ។ ក្រុមប្រឹក្សាភិបាល ត្រូវបានគេរំពឹងថា នឹងជួបប្រជុំម្តងទៀត នៅសប្តាហ៍ក្រោយដើម្បីវាយតម្លៃសំណើពីប្រទេស អ៊ុយ ក្រែន សម្រាប់ ការផ្តល់ ហិរញ្ញប្បទាន សង្គ្រោះបន្ទាន់ចំនួន $1.4 ប៊ី លានដុល្លារ អាមេរិក ៕

ដោយសារព័ត៌មានគិរីដងរែក