រដ្ឋមន្ត្រីអង់គ្លេសទៅកោះតៃវ៉ាន់តែចិនប្រឆាំងនឹងគម្រោងទស្សនកិច្ចនេះ

(ប៉េកាំង)៖ ក្រសួងការបរទេសចិនបានព្រមាននៅថ្ងៃចន្ទនេះថា ចក្រភពអង់គ្លេសត្រូវតែបញ្ឈប់ការផ្លាស់ប្តូរទំនាក់ទំនងជាផ្លូវការណាមួយជាមួយតៃវ៉ាន់ បន្ទាប់ពីរដ្ឋមន្ត្រីអង់គ្លេសគ្រោងនឹងទៅទស្សនាកោះនេះ សម្រាប់កិច្ចពិភាក្សាពាណិជ្ជកម្ម។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃចន្ទ ទី០៧ ខែវិច្ឆិកា ឆ្នាំ២០២២។

អ្នកនាំពាក្យក្រសួងការបរទេសចិន លោក Zhao Lijian បានលើកឡើងបែបនេះ នៅក្នុងសន្និសីទសារព័ត៌មានប្រចាំថ្ងៃរបស់ខ្លួន ដោយបានព្រមានផងដែរថា អាជ្ញាធរតៃវ៉ាន់ចាំបាច់ត្រូវបញ្ឈប់ការគុបគិតជាមួយកងកម្លាំងបរទេសជាបន្ទាន់៕

ប្រភព ស៊ីនហួរ ប្រែសម្រួលដោយគីរីដងរែក