អយ្យកោគ្រិស្តអូស្សូដក់នៃក្រុងយេរូសាឡឹម ដែលជានិកាយគ្រិស្តសាសនាប៉ាឡេស្ទីនដ៏សំខាន់បាននិយាយថា កងកម្លាំងអ៊ីស្រាអែលបានវាយលុកវិហារ Saint Porphyrius នៅទីក្រុង Gaza ជាកន្លែងដែលគ្រិស្តបរិស័ទ និងមូស្លីមរាប់រយនាក់បានស្វែងរកទីជម្រក។
យោធាអ៊ីស្រាអែលបាននិយាយថាផ្នែកខ្លះនៃព្រះវិហារត្រូវបានខូចខាតក្នុងការវាយប្រហារលើមជ្ឈមណ្ឌលបញ្ជាការរបស់ក្រុមសកម្មប្រយុទ្ធ ក្បែរនោះ។ អ៊ីស្រាអែលបានប្រាប់ជនស៊ីវិលទាំងអស់រួចហើយឱ្យជម្លៀសចេញពីពាក់កណ្តាលភាគខាងជើងនៃតំបន់Gaza Strip ដែលរួមមាន ទីក្រុង Gaza ផងដែរ។ មនុស្សជាច្រើនមិនទាន់ចាកចេញដោយនិយាយថាពួកគេខ្លាចបាត់បង់អ្វីៗ ទាំងអស់ហើយគ្មានកន្លែងណា មានសុវត្ថិភាពក្នុងការទៅជាមួយតំបន់ភាគខាងត្បូង ដែលរងការវាយប្រហារផងដែរ។
នៅពេលសួរថាតើអ៊ីស្រាអែលបានអនុវត្តតាមច្បាប់សង្រ្គាមក្នុងការឆ្លើយតបរបស់ខ្លួនដែរឬទេ រដ្ឋមន្ត្រីការបរទេសអាមេរិកលោក Antony Blinken បានរំលឹកឡើងវិញកាលពីថ្ងៃសុក្រថាអ៊ីស្រាអែលមានសិទ្ធិការពារខ្លួននិងត្រូវប្រាកដថាក្រុមហាម៉ាសដែលគាំទ្រដោយអ៊ីរ៉ង់មិនអាចបើកការវាយប្រហារម្តងទៀតបានទេ។លោកបានបន្តថា ៖ « វាជារឿងសំខាន់ដែលប្រតិបត្តិការត្រូវបានធ្វើឡើងស្របតាម ច្បាប់អន្តរជាតិច្បាប់មនុស្សធម៌ច្បាប់សង្គ្រាម»។
ការិយាល័យកិច្ចការមនុស្សធម៌របស់អង្គការសហប្រជាជាតិបាននិយាយថា ផ្ទះជាង 140,000 ខ្នង ដែលជិតមួយភាគបីនៃផ្ទះទាំងអស់នៅក្នុងហ្គាហ្សា ត្រូវបានខូចខាត ដោយជិត 13,000 ត្រូវបានបំផ្លាញទាំងស្រុង។
ការយកចិត្តទុកដាក់របស់អន្តរជាតិបានផ្តោតលើការទទួលបានជំនួយទៅកាន់តំបន់ហ្គាហ្សាតាមរយៈច្រកចូលតែមួយដែលមិនត្រូវបានគ្រប់គ្រងដោយអ៊ីស្រាអែល ដែលជាច្រក Rafah ឆ្លងកាត់ទៅកាន់ប្រទេសអេហ្ស៊ីប។
លោក Biden ដែលបានទៅបំពេញទស្សនកិច្ចនៅអ៊ីស្រាអែលកាលពីថ្ងៃពុធបាននិយាយថាលោកជឿថារថយន្តដឹកជំនួយនឹងឆ្លងកាត់ក្នុងរយៈពេល 24-48 ម៉ោងបន្ទាប់។
អគ្គលេខាធិការអង្គការសហប្រជាជាតិលោក Antonio Guterres បានធ្វើដំណើរទៅកាន់ប៉ុស្តិ៍ត្រួតពិនិត្យនៅខាងប្រទេសអេហ្ស៊ីបកាលពីថ្ងៃសុក្រ ហើយបានអំពាវនាវឱ្យមានរថយន្តដឹកទំនិញចំនួនដ៏មានអត្ថន័យដើម្បីចូលទៅកាន់តំបន់ហ្គាហ្សាជារៀងរាល់ថ្ងៃ ហើយត្រួតពិនិត្យ – ដែលអ៊ីស្រាអែលទទូចឱ្យបញ្ឈប់ការផ្តល់ជំនួយទៅដល់ក្រុមហាម៉ាស់ – ឱ្យលឿន និងជាក់ស្តែង។
រហូតមកដល់ពេលនេះ មេដឹកនាំលោកខាងលិចភាគច្រើនបានផ្តល់ការគាំទ្រដល់យុទ្ធនាការរបស់អ៊ីស្រាអែលប្រឆាំងនឹងក្រុមហាម៉ាស ទោះបីជាមានភាពមិនសុខស្រួលកាន់តែខ្លាំងឡើងអំពីស្ថានភាពជនស៊ីវិលនៅតំបន់ហ្គាហ្សាក៏ដោយ។
ទោះបីជាយ៉ាងណាក៏ដោយរដ្ឋមូស្លីមជាច្រើនបានអំពាវនាវឱ្យមានបទឈប់បាញ់ជាបន្ទាន់ហើយការតវ៉ាទាមទារឱ្យបញ្ចប់ការទម្លាក់គ្រាប់បែកត្រូវបានធ្វើឡើងនៅក្នុងទីក្រុងនានាទូទាំងពិភពអ៊ីស្លាមកាលពីថ្ងៃសុក្រ។
នៅតំបន់WestBankដែលកាន់កាប់ដោយអ៊ីស្រាអែលជាកន្លែងដែលអំពើហិង្សាបានកើនឡើងចាប់តាំងពីអ៊ីស្រាអែលចាប់ផ្តើមទម្លាក់គ្រាប់បែកលើតំបន់ហ្គាហ្សា ទាហានអ៊ីស្រាអែលបានបាញ់សម្លាប់យុវជនប៉ាឡេស្ទីនម្នាក់ក្នុងអំឡុងពេលប៉ះទង្គិចគ្នានៅជិតទីក្រុង Jericho ។
ចាប់តាំងពីសង្គ្រាមអ៊ីស្រាអែលហាម៉ាសបានផ្ទុះឡើងទឹកដីព្រំដែនរវាងលីបង់ភាគខាងត្បូងនិងភាគខាងជើងអ៊ីស្រាអែលក៏ឃើញមានការប៉ះទង្គិចគ្នាជាបន្តបន្ទាប់ ប៉ុន្តែរហូតមកដល់ពេលនេះមានកម្រិតការប៉ះទង្គិចគ្នារវាងយោធាអ៊ីស្រាអែល និងយុទ្ធជនមកពីក្រុមអ៊ិស្លាមនិកាយស៊ីអ៊ីតលីបង់ Hezbollah ។ យោធាអ៊ីស្រាអែលបាននិយាយកាលពីថ្ងៃសៅរ៍ថាទាហានម្នាក់ត្រូវបានសម្លាប់ដោយការវាយប្រហារដោយកាំជ្រួចនៅព្រំដែនលីបង់នៅក្នុងសេចក្តីថ្លែងការណ៍មួយដែលមិនបានបញ្ជាក់លម្អិតអំពីពេលវេលា ឬទីតាំងពិតប្រាកដនោះទេ។
ប្រភព Reuters ប្រែសម្រួលដោយគិរីដងរែក
