លោកស្រី Masako Mori បានបង្ហាញក្តីព្រួយបារម្ភអំពីអត្រាកំណើតនេះ ពោលគឺប៉ុន្មានថ្ងៃបន្ទាប់ពីជប៉ុនប្រកាសថា ចំនួនទារកដែលកើតកាលពីឆ្នាំមុន បានធ្លាក់ចុះដល់កម្រិតទាប។ លោកស្រីថែមទាំងនិយាយដែរថា “ប្រសិនបើយើងបន្តដូចនេះ ប្រទេសនឹងរលាយបាត់។ ការប្រឹងយកកូនច្រើន គឺជាវិធានការដ៏ល្អបំផុត”។
លោកស្រីលើកឡើងថា “គឺប្រជាជនដែលនឹងត្រូវឆ្លងកាត់ដំណើរការនៃការបាត់ខ្លួននេះ ហើយនឹងប្រឈមមុខជាមួយគ្រោះថ្នាក់ដ៏ធំសម្បើម។ វាជាជំងឺដ៏គួរឲ្យភ័យខ្លាច ដែលនឹងធ្វើទុក្ខបុកម្នេញដល់កុមារទាំងនោះ”។
លោកស្រី Masako Mori
កាលពីឆ្នាំមុន ស្ថានភាពពិតជាគួរឲ្យព្រួយបារម្ភ ដោយប្រទេសជប៉ុនបានបង្ហាញពីអត្រាកំណើតតិចជាង ៨០ម៉ឺននាក់ ប៉ុន្តែរាយការណ៍អំពីការស្លាប់ដល់ទៅប្រហែល ១.៥៨លាននាក់។ នេះបង្ហាញថា ជប៉ុន មានអ្នកស្លាប់ច្រើនជាងអ្នកកើតដល់ទៅប្រហែល ២ដងឯណោះ។
ពីកម្រិតខ្ពស់បំផុតនៃចំនួនប្រជាជនជាង១២៨លាននាក់ក្នុងឆ្នាំ២០០៨, ប្រទេសជប៉ុនបានមើលឃើញការធ្លាក់ចុះប្រជាសាស្រ្តដ៏គួរឲ្យភ្ញាក់ផ្អើលមកនៅត្រឹម ១២៤.៦លាននាក់។
ហើយជាសញ្ញាបង្ហាញថាជប៉ុន នឹង ក្លាយជាប្រទេសដែលមានមនុស្សចាស់យ៉ាងឆាប់រហ័សនោះ, សមាមាត្រនៃមនុស្សអាយុលើ៦៥ឆ្នាំ បាន កើនឡើងដល់ជាង ២៩% កាលពីឆ្នាំមុន៕
ប្រភព South China Morning Post ប្រែសម្រួលដោយគិរីដងរែក
