សន្និសីទថ្នាក់រដ្ឋមន្ត្រីរបស់អង្គការពាណិជ្ជកម្មពិភពលោក(WTO) បានចាប់ផ្តើមនៅទីក្រុងហ្សឺណែវកាលពីថ្ងៃអាទិត្យ។ នៅថ្ងៃដំបូងនៃកិច្ចប្រជុំរយៈពេល៤ថ្ងៃ ក្រុមអ្នកតំណាងបានពិភាក្សាអំពីបញ្ហាប្រឈមនានានៃប្រព័ន្ធពាណិជ្ជកម្មពហុភាគី។ អង្គការពាណិជ្ជកម្មពិភពលោក មានគោលបំណងជំរុញពាណិជ្ជកម្មអន្តរជាតិតាមរយៈប្រព័ន្ធ។
ប៉ុន្តែគោលការណ៍ជាមូលដ្ឋាននេះត្រូវបានរង្គោះរង្គើដោយការវាយប្រហាររបស់រុស្ស៊ីលើអ៊ុយក្រែន។ ប្រទេសមួយចំនួន ជាពិសេសប្រទេសកំពុងអភិវឌ្ឍន៍ មិនអាចទទួលបានអាហារ និងថាមពលគ្រប់គ្រាន់ ស្របពេលមានការឡើងថ្លៃខ្លាំង ដោយសារតែមានការផលប៉ះពាល់ការផ្គត់ផ្គង់ដែលបណ្តាលមកពីជម្លោះនេះ។
ប្រទេសមួយចំនួន ជាពិសេសប្រទេសកំពុងអភិវឌ្ឍន៍ មិនអាចទទួលបានអាហារ និងថាមពលគ្រប់គ្រាន់ ចំពេលមានការឡើងថ្លៃយ៉ាងខ្លាំង ដែលបណ្តាលមកពីការរំខានការផ្គត់ផ្គង់ដែលបណ្តាលមកពីជម្លោះ។
រដ្ឋមន្ត្រីក្រសួងសេដ្ឋកិច្ច ពាណិជ្ជកម្ម និងឧស្សាហកម្មរបស់ប្រទេសជប៉ុន លោក Hosoda Kenichi បានថ្កោលទោសការលុកលុយរបស់រុស្ស៊ីថាជាការប៉ុនប៉ងឯកតោភាគីក្នុងការផ្លាស់ប្តូរស្ថានភាពដោយបង្ខំ និងជាការបំពានយ៉ាងច្បាស់លើច្បាប់អន្តរជាតិ។
លោកក៏បានបញ្ជាក់ពីតម្រូវការសម្រាប់សហគមន៍អន្តរជាតិរួបរួមគ្នាដើម្បីជួយប្រព័ន្ធពាណិជ្ជកម្មពហុភាគីបន្តដំណើរការ។
គណៈប្រតិភូមកពីប្រទេសនិងតំបន់ប្រហែល 60 រួមទាំងប្រទេសជប៉ុនបានបើកកិច្ចប្រជុំដាច់ដោយឡែកមួយដើម្បីពិភាក្សាអំពីការគាំទ្រសម្រាប់អ៊ុយក្រែន។
អ្នកចូលរួមបានចេញសេចក្តីថ្លែងការណ៍បង្ហាញពីឆន្ទៈរបស់ពួកគេក្នុងការជួយអ៊ុយក្រែនជាមួយនឹងការនាំចេញរបស់ខ្លួន។ ពួកគេក៏បានអំពាវនាវឱ្យសមាជិក WTO ផ្សេងទៀតធ្វើដូចគ្នាដែរ។
ប្រភព NHK World ប្រែសម្រួលដោយគីរីដងរែក
