អង្គការសុខភាពពិភពលោកបានព្រមានកាលពីថ្ងៃអង្គារអំពី “ហានិភ័យជីវសាស្រ្តដ៏ធំ” បន្ទាប់ពីក្រុមយុទ្ធជនស៊ូដង់បានដណ្តើមយកមន្ទីរពិសោធន៍សុខភាពសាធារណៈជាតិក្នុងរដ្ឋធានី Khartoum ខណៈដែលប្រទេសបរទេសបានប្រណាំងប្រជែងគ្នាដើម្បីបង្កើនកិច្ចខិតខំប្រឹងប្រែងជម្លៀសចេញយ៉ាងឆាប់រហ័សពីប្រទេសនេះ ហើយអំពើហិង្សាបានវាយលុកបទឈប់បាញ់ដែលផុយស្រួយដោយអាមេរិក។
ការបាញ់កាំភ្លើង និងការគ្រហឹមនៃយន្តហោះចម្បាំងត្រូវបានឮដោយអ្នកកាសែត CNN នៅទីក្រុង Khartoum កាលពីថ្ងៃអង្គារ កន្លះថ្ងៃបន្ទាប់ពីការប្រកាសបទឈប់បាញ់រយៈពេល 72 ម៉ោង បានបង្កើនក្តីសង្ឃឹមនៃការបើកផ្លូវរត់គេចសម្រាប់ជនស៊ីវិលដែលអស់សង្ឃឹមក្នុងការភៀសខ្លួន។ សាក្សីដែលបានឃើញហេតុការណ៍បានប្រាប់ CNN ថា ការប៉ះទង្គិចគ្នាយ៉ាងខ្លាំងបានផ្ទុះឡើងរវាងយោធាស៊ូដង់ និងកងកម្លាំងគាំទ្ររហ័ស ដែលជាក្រុមទាហានប៉ារ៉ាមួយដែលកំពុងប្រយុទ្ធជាមួយកងទ័ពដើម្បីគ្រប់គ្រងប្រទេសនៅភាគខាងជើងនៃរដ្ឋ Khartoum ។ភាគីជម្លោះទាំងពីរបានចោទគ្នាទៅវិញទៅមកថា បានរំលោភលើកិច្ចព្រមព្រៀង។
អង្គការសុខភាពពិភពលោកបាននិយាយកាលពីថ្ងៃអង្គារថាចំនួនមនុស្សស្លាប់នៅក្នុងប្រទេសស៊ូដង់ចាប់តាំងពីអំពើហឹង្សាបានផ្ទុះឡើងកាលពី 11 ថ្ងៃមុនបានឈានដល់ការស្លាប់យ៉ាងតិច 459 នាក់ ហើយអង្គការសុខភាពពិភពលោកក៏បាននិយាយកាលពីថ្ងៃអង្គារដោយយ៉ាងហោចណាស់មនុស្សចំនួន 4,072 នាក់បានរងរបួស។
ប្រភព CNN ប្រែសម្រួលដោយគិរីដងរែក
