អ្នកនាំពាក្យយោធាបាននិយាយកាលពីថ្ងៃចន្ទថា កងកម្លាំងការពារអ៊ីស្រាអែល (IDF) នៅតែកំពុងប្រយុទ្ធជាមួយក្រុមហាម៉ាសនៅលើដីនៅភាគខាងត្បូងប្រទេសអ៊ីស្រាអែល ច្រើនជាង 48 ម៉ោងបន្ទាប់ពីក្រុមសកម្មប្រយុទ្ធប៉ាឡេស្ទីនបានធ្វើការវាយប្រហារដ៏គួរឱ្យភ្ញាក់ផ្អើលមួយ។
“យើងនៅតែប្រយុទ្ធ ពីប្រាំពីរទៅប្រាំបីកន្លែងបើកចំហនៅជុំវិញតំបន់ហ្គាហ្សាជាកន្លែងដែលយើងនៅតែមានអ្នកចម្បាំងប្រយុទ្ធនឹងភេរវករ” លោកវរសេនីយ៍ទោ Richard Hecht បាននិយាយថា។ “វាកំពុងចំណាយពេលឱ្យយើងច្រើនជាងការរំពឹងទុក… យើងគិតថា ព្រឹកនេះ យើងនឹងនៅកន្លែងល្អជាងនេះ”។
លោកបាននិយាយថា វាអាចទៅរួចផងដែរដែលថា ក្រុមយុទ្ធជនហាម៉ាស់នៅតែឆ្លងកាត់ចូលទៅក្នុងប្រទេសអ៊ីស្រាអែលពីតំបន់ហ្គាហ្សា ដោយលោកបានបន្ថែមថា ការវាយប្រហារតាមអាកាសរបស់អ៊ីស្រាអែលគឺសំដៅទៅលើទីតាំងដែលក្រុមសកម្មប្រយុទ្ធកំពុងប្រមូលផ្តុំដើម្បីឆ្លងកាត់ព្រំដែន។ Hect ក៏បាននិយាយផងដែរថា ជនជាតិអ៊ីស្រាអែលរាប់សិបនាក់កំពុងត្រូវបានឃុំខ្លួនធ្វើជាចំណាប់ខ្មាំង ដោយមិនបានផ្តល់នូវចំនួនជាក់លាក់ណាមួយឡើយ។
លោកបានបន្ថែមថាក្រុមហាម៉ាស់មិនបាន «គោះដំបូល» នោះទេពោលគឺ ការព្រមានរបស់យោធាអ៊ីស្រាអែលចំពោះជនស៊ីវិលមុន ពេលវាទម្លាក់គ្រាប់បែកលើអគារ។
ប្រភព CNN ប្រែសម្រួលដោយគិរីដងរែក
