ក្រុមសកម្មប្រយុទ្ធ al-Shabab និយាយថា ខ្លួនបានគ្រប់គ្រងសណ្ឋាគារមួយនៅជិតកណ្តាលរដ្ឋធានី Mogadishu ប្រទេសសូម៉ាលី។ប៉ូលិសបាននិយាយថា អ្នកវាយប្រហារបានបំផ្ទុះគ្រឿងផ្ទុះពីរនៅខាងក្រៅសណ្ឋាគារ មុនពេលចូលទៅក្នុងអគារ និងបើកការបាញ់ប្រហារ។ ក្នុងសេចក្តីថ្លែងការណ៍មួយ ក្រុមអ៊ិស្លាមនិយម បានអះអាងថាបានគ្រប់គ្រងលើបរិវេណអគារហើយបាន និយាយថាពួកគេ «កំពុង បាញ់គ្រប់គ្នា»។
Hayat ត្រូវបានគេនិយាយថាជាទីតាំងដ៏ពេញនិយមសម្រាប់បុគ្គលិកនៃរដ្ឋាភិបាលសហព័ន្ធដើម្បីជួប។លោក Abdikadir Abdirahman បានប្រាប់ទីភ្នាក់ងារព័ត៌មាន Reuters ថាមនុស្ស ៩ នាក់បានរ របួស និងដឹកចេញពីសណ្ឋាគារ នេះ ។
រូបភាពដែលមិនត្រូវបានផ្ទៀងផ្ទាត់ដែលផ្សព្វផ្សាយនៅលើប្រព័ន្ធផ្សព្វផ្សាយសង្គមហាក់ដូចជាបង្ហាញផ្សែងហុយចេញពីសណ្ឋាគារ ខណៈពេលដែលការស្រែក និងសំឡេងផ្ទុះខ្លាំងអាចត្រូវបានគេឮ។ មន្ត្រីប៉ូលិសម្នាក់បានប្រាប់ទីភ្នាក់ងារសារព័ត៌មានរ៉យទ័រក្នុងសេចក្តីថ្លែងការណ៍មួយថា “ការបំផ្ទុះរថយន្តចំនួនពីរគ្រាប់សំដៅទៅលើសណ្ឋាគារ Hayat” ។ “ម្នាក់បានបុករនាំងនៅជិតសណ្ឋាគារ ហើយបន្ទាប់មកទៀតបានបុកច្រកទ្វារសណ្ឋាគារ។ យើងជឿថា អ្នកប្រយុទ្ធគឺនៅខាងក្នុងសណ្ឋាគារ”។ សាខារបស់អាល់កៃដា al-Shabab បានចូលរួមក្នុងជម្លោះដ៏រ៉ាំរ៉ៃជាមួយរដ្ឋាភិបាលសហព័ន្ធ។
ក្រុមនេះគ្រប់គ្រងភាគច្រើននៃភាគខាងត្បូង និងកណ្តាលសូម៉ាលី ប៉ុន្តែអាចពង្រីកឥទ្ធិពលរបស់ខ្លួនទៅកាន់តំបន់ដែលគ្រប់គ្រងដោយរដ្ឋាភិបាលដែលមានមូលដ្ឋាននៅទីក្រុង Mogadishu ។
ក្នុងប៉ុន្មានសប្តាហ៍ថ្មីៗនេះ អ្នកប្រយុទ្ធដែលមានទំនាក់ទំនងជាមួយក្រុមនេះក៏បានវាយប្រហារគោលដៅនៅតាមព្រំដែនសូម៉ាលី-អេត្យូពី ដែលបានបង្កើនការព្រួយបារម្ភអំពីយុទ្ធសាស្ត្រថ្មីដែលអាចកើតមានដោយក្រុមអាល់សាបា។
ការវាយប្រហារកាលពីថ្ងៃសុក្រ គឺជាការវាយប្រហារលើកដំបូងនៅក្នុងរដ្ឋធានីដោយក្រុមនេះ ចាប់តាំងពីប្រធានាធិបតីថ្មីរបស់ប្រទេសសូម៉ាលី លោក Hassan Sheikh Mohamud ត្រូវបានបោះឆ្នោតជ្រើសរើសកាលពីខែឧសភា។
ប្រភព Reuters ប្រែសម្រួលដោយគីរីដងរែក
