លោក ឡយ ស៊ាងអាង ប្រធានគណៈកម្មការផ្សារអូរឫស្សី សហការជាមួយកម្លាំងប៉ុស្តិ៍នគរបាលអូរឫស្សីទី១ ដើម្បីដឹកនាំកម្លាំង រក្សាសន្តិសុខ សណ្ដាប់ធ្នាប់ របៀបរៀបរយជុំវិញបរិវេណផ្សារអូរឬស្សី!

(ភ្នំពេញ)៖នារសៀលថ្ងៃអាទិត្យ ទី២៣ ខែវិច្ឆិកា ឆ្នាំ២០២៥នេះ កម្លាំងសន្តិសុខសណ្ដាប់ធ្នាប់នៃគណៈកម្មការផ្សារអូរឫស្សី ក្រោមការដឹកនាំដោយលោក ឡយ ស៊ាងអាង ប្រធានគណៈកម្មការផ្សារអូរឫស្សី តែងសហការជាមួយកម្លាំងប៉ុស្តិ៍នគរបាលអូរឫស្សីទី១ នៃអធិការដ្ឋាននគរបាលខណ្ឌ៧មករា បានរក្សាការងារ សន្តិសុខ សណ្ដាប់ធ្នាប់ របៀបរៀបរយជុំវិញបរិវេណផ្សារ ដើម្បីជូនដល់បងប្អូនប្រជាពលរដ្ឋចេញចូលផ្សារ និងសូមសំណូមពរដល់ប្រជាពលរដ្ឋ មានការយោគយល់អធ្យាស្រ័យដល់បរិវេណផ្សារដែលមានការខ្វះចំណត ឬស្ទះតាមផ្លូវខ្លះដោយបច្ចុប្បន្នទីតាំងផ្សារកំពុងមានការដ្ឋានជួសជុលតូប និងជួសជុលដំបូលផ្សារ ជូនដល់អាជីវករ។ ប៉ុន្តែទោះជាយ៉ាងណាកម្លាំងសណ្ដាប់ធ្នាប់ចុះជួយសម្រួលជាប់ជាប្រចាំផងដែរ។