សេតវិមានទើបតែបានចេញផ្សាយអត្ថបទនៃលិខិតមួយផ្ញើទៅកាន់សភាអាមេរិកដោយជូនដំណឹងដល់សមាជិកសភាថាសហរដ្ឋអាមេរិកបានបើកការវាយប្រហារយោធាលើប្រទេសអ៊ីរ៉ង់។
លិខិតដែលចុះហត្ថលេខាដោយលោក Trump និយាយថា៖ «ការវាយប្រហារនេះត្រូវបានធ្វើឡើងដើម្បីជំរុញផលប្រយោជន៍ជាតិដ៏សំខាន់របស់សហរដ្ឋអាមេរិក និងក្នុងការការពារខ្លួនជាសមូហភាពនៃសម្ព័ន្ធមិត្តរបស់យើង គឺអ៊ីស្រាអែល ដោយការលុបបំបាត់កម្មវិធីនុយក្លេអ៊ែររបស់អ៊ីរ៉ង់»។
វាបានបន្ថែមថា ការវាយប្រហារនេះគឺ “មានកម្រិតក្នុងវិសាលភាព និងគោលបំណង” ហើយត្រូវបានធ្វើឡើង “ដើម្បីការពារពលរដ្ឋសហរដ្ឋអាមេរិក ទាំងក្នុងប្រទេស និងក្រៅប្រទេស ក៏ដូចជាការពង្រឹងសន្តិសុខជាតិ និងផលប្រយោជន៍គោលនយោបាយការបរទេសរបស់សហរដ្ឋអាមេរិក”។
លិខិតដែលតម្រូវដោយច្បាប់នេះ កើតឡើងនៅពេលដែលមនុស្សជាច្រើននៅក្នុងសភាបានប្រកែកថា Trump មិនបានស្វែងរកសិទ្ធិអំណាចរបស់សភាត្រឹមត្រូវមុនពេលចាប់ផ្តើមការវាយប្រហារ។ វាជាតួនាទីរបស់សភាក្នុងការប្រកាសសង្គ្រាម ទោះបីជាវាមិនបានធ្វើដូច្នេះចាប់តាំងពី WW2 ក៏ដោយ បើទោះបីជាកងទ័ពអាមេរិកបានប្រយុទ្ធនៅក្នុងសង្គ្រាមបរទេសជាច្រើនចាប់តាំងពីពេលនោះមកក៏ដោយ។
ប្រភព BBC News ប្រែសម្រួលដោយគិរីដងរែក
