កាលពីថ្ងៃទី ១៨ ខែ ធ្នូ ឆ្នាំ ២០២៤ អនុវត្តតាមបទបញ្ជារបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ យុត តុងហូ អធិការនគរបាលស្រុក សង្កែបានដឹកនាំកម្លាំងក្នុងអង្គភាព នាំខ្លួនជនសង័្សយចំនួន ០៦នាក់ មកកាន់អធិការដ្ឋានគរបាលស្រុកដើម្បី សាកសួរ បន្ទាប់ពីសមត្ថកិច្ចបានទទួលពាក្យបណ្តឹងពីជនរងគ្រោះឈ្មោះផង់ ចាន់ណា ភេទប្រុស អាយុ១៩ឆ្នាំ មានទីលំនៅភូមិពោធិ៍បាត់ដំបង ឃុំរកា ស្រុកសង្កែ ខេត្តបាត់ដំបង ដោយក្រុមជនសង័្សយមួយក្រុមបានធ្វើសកម្មភាព កាប់និងយកដុំថ្មគប់ ទៅលើម៉ូតូរបស់ខ្លួនបណ្តាលឱ្យខូចខាតកាលពី យប់ថ្ងៃទី ១៧ ខែ ធ្នូ ឆ្នាំ ២០២៤ ៖
-ចង្កៀងភ្លើងខាងមុខខូចខាតទាំងស្រុង
-អាវម៉ូតូខាងឆ្វេងបែកខូចខាតទាំងស្រុង
-សំបកកង់ម៉ូតូក្រោយបែកខូចខាតទាំងស្រុង
-ចង្កៀងភ្លើងនិង(របាំងភក់)កាតាប៊ូក្រោយបាក់ដាច់ខូចខាតទាំងស្រុង
ក្នុងខណៈជនរងគ្រោះកំពុងជិះម៉ូតូនៅតាមដងផ្លូវជាធម្មតា ដោយមិនបានដឹងពីមូលហេតុ ប៉ុន្តែមិនបាន បង្កឱ្យមានរបួ..សស្នាមដល់ជនរងគ្រោះនោះទេ។
ជនសង័្សយទាំង០៦នាក់នោះគឺ៖
១-ឈ្មោះ រ៉ សាលីអាត់ ភេទប្រុស អាយុ…ឆ្នាំ មានទីលំ នៅភូមិបាសែត ឃុំតាប៉ុន ស្រុកសង្កែ ខេត្តបាត់ ដំបង។
២-ឈ្មោះ លី អិលយ៉េះ ភេទប្រុស អាយុ…ឆ្នាំ មានទីលំនៅភូមិបាសែត ឃុំតាប៉ុន ស្រុកសង្កែ ខេត្តបាត់ ដំបង។
៣-ឈ្មោះ លី ចាន់រ៉ា ភេទប្រុស អាយុ២០ឆ្នាំ មានទីលំនៅភូមិពោធិ៍បាត់ដំបង ឃុំរកា ស្រុកសង្កែ ខេត្តបាត់ ដំបង។
៤-ឈ្មោះ ណាត សីហា ភេទប្រុស អាយុ១៩ឆ្នាំ មានទីលំនៅភូមិសែត ឃុំតាប៉ុន ស្រុកសង្កែ ខេត្តបាត់ ដំបង។
៥-ឈ្មោះ ភាព ខាវី ភេទប្រុស អាយុ…ឆ្នាំ មានទីលំ នៅ ភូមិតាប៉ុន ឃុំតាប៉ុន ស្រុកសង្កែ ខេត្តបាត់ដំបង។
៦-ឈ្មោះ រ៉ុង ថារីន ភេទប្រុស អាយុ…ឆ្នាំ មានទីលំ នៅភូមិបាសែត ឃុំតាប៉ុន ស្រុកសង្កែ ខេត្តបាត់ ដំបង។
ដោយដកហូតបានវត្ថុតាងមានដាវដែកមួយចំនួនជាមធ្យោបាយប្រព្រឹត្តិល្មើសផង។
នៅចំពោះមុខសមត្ថកិច្ចនគរបាល ពួកគេទាំងអស់គ្នាបានឆ្លើយសារភាពទទួលស្គាល់ថា ពួកគេបាន ប្រព្រឹត្តិ សកម្មភាពនេះទៅលើអ្នកជិះម៉ូតូខាងលើមែន ប៉ុន្តែករណីនេះគឺពួកគេមិនមានទំនាស់ឬទំនាក់ ទំងអ្វីជាមួយជនរងគ្រោះនោះទេ គឺការពិតពួកគេធ្វើសកម្ម ភាព ច្រឡំមនុស្សតែប៉ុណ្ណោះ ។
ទោះជាយ៉ាងណាក៏ដោយពេលនេះសមត្ថកិច្ចបានរៀបចំសំណុំរឿងបញ្ជូនមកផែនជំនាញដើម្បីអនុវត្តបន្តតាមនីតិវិធី ច្បាប់៕(រូបភាពនគរបាលស្រុកសង្កែ)By kosal!
ប្រភព ស្នហការដ្ឋាននគរបាលខេត្តបាត់ដំបង
