ខេត្តកំពង់ឆ្នាំង៖ ហេតុការណ៍ដ៍រន្ធត់នេះ នៅម៉ោងប្រមាណ៧និង៣០នាទីយប់ថ្ងៃទី១៦ ខែសីហា ឆ្នាំ២០២៤ នៅចំណុចផ្លូវបំបែកជាបី(ចូលភូមិកញ្ជោង) លើផ្លូវជាតិលេខ៥ ចន្លោះបង្គោលគីឡូម៉ែត្រលេខ៥៦-៥៧ ស្ថិតក្នុងភូមិព្រៃពិស ឃុំច្រេស ស្រុកកំពង់ត្រឡាច ខេត្តកំពង់ឆ្នាំង។រថយន្តបង្ក១គ្រឿងបានបើកគេចខ្លួនបាត់ស្រមោល បន្ទាប់ពីបុកម៉ូតូយុវតីម្នា ប៉ុន្តែជាអកុសលបានស្លាប់នៅមន្ទីរពេទ្យ។
សមត្ថកិច្ចនគរបាលចរាចរណ៍ខេត្តបានឲ្យដឹងថា ៖ ជនរងគ្រោះមានឈ្មោះប៊ូ ស៊ីង អាយុ ២២ឆ្នាំមានទីលំនៅភូមិជំទាវសុខ ឃុំជ្រេស ស្រុកកំពង់ត្រឡាច មានមុខរបរជាគ្រូបង្រៀន នៅសាលា ភាសាអង់គ្លេស BIS ។មុនពេលកើតហេតុយុវតីរូបនោះបានជិះម៉ូតូម៉ាក ស្គុបពីពណ៌ខ្មៅពាក់ស្លាកលេខកំពង់ឆ្នាំង 1N.66 30 តាមបណ្ដោយផ្លូវជាតិលេខ 5 លើកន្លងផ្លូវខាងលិចក្នុងដំណើរពីជើងទៅត្បូង. លុះ មកដល់ចំណុចកើតហេតុ ក៏បានបត់ឆ្វេងប្ដូរកន្លងឆ្លងផ្លូវមិនប្រយ័ត្នស្របពេលនោះក៏មានរថយន្តមិនស្គាល់ម៉ាកមួយគ្រឿងបានបើកបរក្នុងកន្លងផ្លូវខាងកើត ក្នុងទិសដៅពីត្បូងទៅជើង ដំណើរខ្វែងទិសគ្នាក៏បានបុកម៉ូតូជនរងគ្រោះបណ្ដាលឲ្យរងរបួសជាទម្ងន់ ហើយត្រូវបានដឹកបញ្ជូនទៅសង្គ្រោះនៅមន្ទីរពេទ្យ ប៉ុន្តែដោយសាររបួសធ្ងន់ពេកក៏បានបាត់បង់ជីវិត ។ក្រោយពេលកើតហេតុ រថយន្តបង្កដែលមិនស្គាល់ម៉ាកបានបើកគេចបាត់ស្រមោល។ យ៉ាងនេះក្តីនៅកន្លែងកើតហេតុគេបានរើស logo រថយន្តម៉ាក ម៉ាស្តា មួយគ្រឿងដែលសង្ស័យថារថយន្តបង្ករ។
ដោយគិរីដងរែក
