ប្រធានាធិបតីរុស្ស៊ី លោក វ្ល៉ាឌីមៀ ពូទីន បានពណ៌នាប្រធានាធិបតីអ៊ីរ៉ង់ Ebrahim Raisi ថាជា “អ្នកនយោបាយឆ្នើម” ហើយបាននិយាយថា ការស្លាប់របស់គាត់គឺជា “ការបាត់បង់ដែលមិនអាចជួសជុលបាន” នេះបើយោងតាមសេចក្តីថ្លែងការណ៍ពីវិមានក្រឹមឡាំង។
លោកពូទីនបាននិយាយថា”ក្នុងនាមជាមិត្តពិតរបស់រុស្ស៊ីគាត់បានរួមចំណែកផ្ទាល់ខ្លួនដែលមិនអាចកាត់ថ្លៃបានក្នុងការអភិវឌ្ឍទំនាក់ទំនងអ្នកជិតខាងដ៏ល្អរវាងប្រទេសរបស់យើងហើយបានខិតខំប្រឹងប្រែងយ៉ាងខ្លាំងដើម្បីនាំពួកគេឈានដល់កម្រិតនៃភាពជាដៃគូយុទ្ធសាស្ត្រ” ។
រដ្ឋមន្ត្រីការបរទេសរុស្ស៊ី លោក Sergey Lavrov បានពណ៌នាលោក Raisi និងរដ្ឋមន្ត្រីការបរទេសអ៊ីរ៉ង់ លោក Hossein Amir-Abdollahian ថាជា “មិត្តពិត និងគួរឱ្យទុកចិត្តរបស់ប្រទេសរបស់យើង” ហើយបានបន្ថែមថា មានការសោកស្ដាយជាខ្លាំងចំពោះការស្លាប់របស់ពួកគេ។
លោក Lavrov បាននិយាយថា “តួនាទីរបស់ពួកគេក្នុងការពង្រឹងកិច្ចសហប្រតិបត្តិការរុស្ស៊ី-អ៊ីរ៉ង់ ដែលមានផលប្រយោជន៍ទៅវិញទៅមក និងភាពជាដៃគូដ៏គួរឱ្យទុកចិត្តគឺមានតម្លៃមិនអាចកាត់ថ្លៃបាន។ យើងសូមចូលរួមរំលែកទុក្ខយ៉ាងស្មោះស្ម័គ្រជាមួយក្រុមគ្រួសារ និងមិត្តភក្តិរបស់ជនរងគ្រោះ ក៏ដូចជាប្រជាជនជាមិត្តទាំងអស់របស់អ៊ីរ៉ង់” ។
ទំនាក់ទំនងកាន់តែជិតស្និទ្ធរវាងរុស្ស៊ី និងអ៊ីរ៉ង់កាន់តែបង្ហាញឱ្យឃើញចាប់តាំងពីការឈ្លានពានរបស់រុស្ស៊ីលើអ៊ុយក្រែន។ អ៊ីរ៉ង់បានផ្តល់ឱ្យរុស្ស៊ីនូវយន្តហោះគ្មានមនុស្សបើក Shahed ដែលត្រូវបានប្រើដើម្បីបាញ់លើអ៊ុយក្រែន។
ប្រភព CNN ប្រែសម្រួលដោយគិរីដងរែក
