ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយនៅក្នុងសេចក្តីថ្លែងការណ៍មួយកាលពីយប់ថ្ងៃសុក្រម៉ោងក្នុងស្រុកថា “ចំនួនដ៏ច្រើន” នៃបុគ្គលិកពេទ្យ អ្នកជំងឺ និងជនភៀសខ្លួននៅតែជាប់គាំងនៅខាងក្នុងមជ្ឈមណ្ឌលវេជ្ជសាស្ត្រ Nasser ភាគខាងត្បូងនៃតំបន់ហ្គាហ្សា។ វាបាននិយាយថាអ្នកដែលជាប់នៅក្នុងអគារសម្ភពត្រូវបានទទួលរងនូវ “ការសួរចម្លើយនៅក្នុងលក្ខខណ្ឌដ៏ឃោរឃៅនិងអមនុស្សធម៌” ដោយកងកម្លាំងអ៊ីស្រាអែល។ អគ្គិសនីនៅតែត្រូវកាត់ផ្តាច់នៅក្នុងបរិវេណ ដែលជាលទ្ធផលនៃម៉ាស៊ីនភ្លើងមិនដំណើរការ ដែលបង្កើន ឱកាសស្លាប់សម្រាប់ករណី ដែលត្រូវការអុកស៊ីហ្សែន។ បុគ្គលិកពេទ្យ 5 នាក់ និងអ្នកជំងឺ 120 នាក់នៅតែស្ថិតក្នុងអគារចាស់នៃបរិវេណដោយគ្មានអាហារ ឬទឹក ។
សេចក្តីថ្លែងការណ៍ក៏បានអះអាងថា កងកម្លាំងអ៊ីស្រាអែលបានរារាំងការជម្លៀសករណីធ្ងន់ធ្ងរទៅកាន់មន្ទីរពេទ្យផ្សេងទៀត។នៅក្នុងសេចក្តីថ្លែងការណ៍មួយដែលបានចេញផ្សាយកាលពីថ្ងៃសៅរ៍ IDF បាននិយាយថាប្រតិបត្តិការនៅតែដំណើរការនៅក្នុង Khan Younis ជាកន្លែងដែលមន្ទីរពេទ្យ Nasser ស្ថិតនៅដោយមាន “មនុស្សប្រហែល 100 នាក់ដែលសង្ស័យថាមានសកម្មភាពភេរវកម្មកំពុងត្រូវបានចាប់ខ្លួន” ។ វាបាននិយាយថា “ស្របទៅនឹងការស្វែងរក ទាហាន IDF បានសម្លាប់ភេរវករនៅជុំវិញតំបន់នៃមន្ទីរពេទ្យ” ។កងកម្លាំងពិសេសរបស់អ៊ីស្រាអែលបានចូលទៅក្នុងបរិវេណមន្ទីរពេទ្យកាលពីថ្ងៃព្រហស្បតិ៍ដោយ IDF និយាយថា “ភេរវករហាម៉ាសទំនងជាលាក់ខ្លួននៅពីក្រោយជនស៊ីវិលដែលរងរបួសនៅក្នុងមន្ទីរពេទ្យ Nasser” ។
IDF ក៏បានអះអាងដែរ ថាមាន “ការស៊ើបអង្កេតគួរឱ្យទុកចិត្តពីប្រភពមួយចំនួនរួមទាំងពីចំណាប់ខ្មាំង ដែលត្រូវបានគេដោះលែង” ដែលសាកសពចំណាប់ខ្មាំង ដែលស្លាប់អាចនឹងមានវត្តមាននៅទីនោះ។ យោធាមិនបានបញ្ចេញភស្តុតាងជាសាធារណៈដើម្បីគាំទ្រការ អះអាងរបស់ខ្លួនទេ។
ប្រភព CNN ប្រែសម្រួលដោយគិរីដងរែក
