រថយន្តម៉ាកត្រាយតុន បើកបរក្នុងស្ថានភាពស្រវឹងខ្វះការប្រុងប្រយ័ត្ន ជ្រុលទៅបុកម៉ូតូឌ្រីមសង់ បណ្តាលឲ្យប្រពន្ធរបួសធ្ងន់ រីឯប្តីស្លាប់នៅនឹងកន្លែងយ៉ាង អាណោចអាធ័ម ។ ហេតុការណ៍ នេះ កើតឡើង នៅ ម៉ោង ២២ និង ៤៥ នាទី កាលពីថ្ងៃទី ១៥ ខែមេសា ឆ្នាំ ២០២២ នៅលើ កំណាត់ ផ្លូវ ក្រាល កៅស៊ូ ស្ថិតក្នុង ភូមិ ក្អែក ទំ ឃុំ រើ ល ស្រុក ពួក ។
លោក វរសេនីយ៍ឯក ទេព ពុំសែន អធិការនគរបាល ស្រុកពួក បានឲ្យដឹងថាមានករណីគ្រោះថ្នាក់ចរាចរបង្កឡើងដោយរថយន្តម៉ាក ត្រាយតុនពណ៌សពាក់ស្លាកលេខរដ្ឋ ២០.០៦២២ បើកបរដោយឈ្មោះគាត សេរីវុឌ ភេទ ប្រុស អាយុ ៤១ ឆ្នាំ នៅ ភូមិ គ្រួសសង្កាត់ ស្វាយដង្គុំ ក្រុង សៀមរាប បុកនិងម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខសៀមរាប 1AL.5472 បណ្ដាលអោយ របួសធ្ងន់០១ នាក់ ស្លាប់មនុស្ស ០១ នាក់ និងខូចខាតរថយន្ត ០១ គ្រឿងម៉ូតូ ០១ គ្រឿង ។ ទី១ឈ្មោះ ជឹង អឿប ភេទ ប្រុស អាយុ ៤២ ឆ្នាំ នៅភូមិគោកថ្មី ឃុំ ក្រូចគរស្រុក ក្រឡាញ់ ( ស្លាប់ ) និងទី២ ឈ្មោះ ដុល ជើម ភេទ ស្រីអាយុ ៣៥ ឆ្នាំ នៅភូមិ គោកថ្មី ឃុំក្រូចគរ ស្រុកក្រឡាញ់ (របួសធ្ងន់) ។
លោក បន្ថែមថា មូលហេតុ បង្កឡើង ដោយ អ្នកបើកបរ រថយន្ត បើកបរ ក្នុងស្ថានភាព ស្រវឹងខ្វះ ការប្រុងប្រយ័ត្ន ។ ក្រោយពេល កើតហេតុ អ្នកបើកបរ រថយន្ត ត្រូវ សមត្ថកិច្ច ឃាត់ខ្លួន និងវត្ថុតាងសមត្ថកិច្ចរក្សាទុកនៅអធិការដ្ឋាន នគរបាល ស្រុក ដើម្បី អនុវត្តនីតិវិធីបន្ត ៕
ដោយ៖ គីរីដងរែក
