បុរសម្នាក់បេីករថយន្ដម៉ាក Lexus RX330 ពណ៌ស ពាក់ស្លាកលេខ ភ្នំពេញ 2AL-0026 បេីករ៉េចង្កូតបុកក្បាលនាគពុះចែកទ្រូងផ្លូវ បណ្ដាលឲ្យក្រឡាប់រថយន្ត នឹងបាក់ទ្រូងផ្លូវអស់ ជាច្រេីនកង់។
ហេតុការណ៍នេះ កើតឡើងនៅវេលាម៉ោង៣:៤០នាទីយប់រំលងអាធ្រាត្រឈានចូលថ្ងៃទី៦ ខែមេសា ឆ្នាំ២០២២ ស្ថិតតាមបណ្ដោយផ្លូវ២៧១ ក្នុងសង្កាត់បឹងទំពុន១ ខណ្ឌមានជ័យ រាជធានី ភ្នំពេញ។
ប្រភពព័ត៌មាន ពីកន្លែងបានឲ្យដឹងថា រថយន្តមួយគ្រឿង បើកបរដោយបុរសម្នាក់ សង្ស័យស្រវឹងបើករថយន្តយ៉ាងលឿន ធ្វើដំណើរតាមបណ្ដោយផ្លូវ២៧១ ទិសដៅពីជើងទៅត្បូង មកដល់ចំណុចស្ដុបទំនប់ទឹក បានរេចង្កូតជ្រុលទៅបុកក្បាលនាគ ពុះចែកទ្រូងផ្លូវពេញទំហឹង បណ្ដាលឲ្យរថយន្តក្រឡាប់ផ្ងារជើង នៅនឹងកន្លែងកើតហេតុ ហើយប្រភពពីប្រជាពលរដ្ឋបានបញ្ជាក់ទៀតថា រថយន្តខាងលើ គឺបើកបរក្នុងស្ថានភាពស្រវឹងជោគជាំខ្លាំង ធ្វើដំណើរតែម្នាក់ឯង មិនមានរងរបួសឡើយ រួចក៏គេចចេញទៅបាត់ទៅបន្សល់រថយន្តក្រឡាប់នៅកណ្ដាលផ្លូវ។
ក្រោយពេលកេីតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចុះមកធ្វេីការវាស់វែង និងស្ទូចរថយន្ដ ទៅរក្សាទុករងចាំការដោះស្រាយនៅពេលក្រោយ។
ដោយ៖ គីរីដងរែកច្បាស់ដូចថ្ងៃ
