តូក្យូ៖ វេទិកាអន្តរជាតិមួយដែលធ្វើឡើងដោយនាយករដ្ឋមន្ត្រីជប៉ុន Kishida Fumio បានបើកការចរចា រយៈពេលពីរថ្ងៃស្តីពីការរំសាយអាវុធនុយក្លេអ៊ែរ នៅទីក្រុងហ៊ីរ៉ូស៊ីម៉ា ជាទីធ្លាប់ត្រូវបានទម្លាក់គ្រាប់បែកបរមាណូ។
គណៈប្រតិភូមកពីប្រទេសមហាអំណាចនុយក្លេអ៊ែរ និងរដ្ឋមិនមែននុយក្លេអ៊ែរបានចូលរួមក្នុងកិច្ចប្រជុំលើកដំបូងនៃក្រុមអន្តរជាតិនៃបុគ្គលឆ្នើម សម្រាប់ពិភពលោកដែលគ្មានអាវុធនុយក្លេអ៊ែរ ។ គណៈប្រតិភូក៏បានទៅទស្សនាសារមន្ទីរសន្តិភាពដែរ កាលពីថ្ងៃអាទិត្យ ទី១១ ខែធ្នូ ឆ្នាំ២០២២ ។
លោក Kishida បានចូលរួមក្នុងវគ្គបិទ ហើយបានអំពាវនាវដល់អ្នកចូលរួមឱ្យព្យាយាមនាំយកពិភពលោកដែលគ្មានអាវុធនុយក្លេអ៊ែរ ។
លោកបាននិយាយថា ប្រទេសជប៉ុនសង្ឃឹមថា នឹងមានការពិភាក្សាកាន់តែស៊ីជម្រៅ ដើម្បីផ្ញើសារដ៏រឹងមាំមួយឆ្ពោះទៅកាន់ពិភពលោកដែលគ្មានអាវុធនុយក្លេអ៊ែរនៅឯកិច្ចប្រជុំកំពូល Group of Seven នៅឆ្នាំក្រោយនៅទីក្រុងហ៊ីរ៉ូស៊ីម៉ា។
វេទិកានេះត្រូវបានដឹកនាំដោយលោក Shiraishi Takashi អ្នកជំនាញខាងនយោបាយអន្តរជាតិ។ លោកបាននិយាយថា បញ្ហាផ្សេងៗ ត្រូវបានពិភាក្សានៅក្នុងកិច្ចប្រជុំ រួមទាំង មូលហេតុដែលការរំសាយអាវុធនុយក្លេអ៊ែរ មិនទទួលបានសន្ទុះ ជាដើម។
គំនិតផ្តួចផ្តើមលុបបំបាត់នុយក្លេអ៊ែរបានជាប់គាំង នាពេលថ្មីៗនេះ។
គណៈប្រតិភូ នៅក្នុងសន្និសិទពិនិត្យសន្ធិសញ្ញាមិនរីកសាយភាយនុយក្លេអ៊ែរ ក្នុងខែសីហា បានបរាជ័យក្នុងការឈានដល់ការឯកភាពទូលំទូលាយ ឬអនុម័តឯកសាររួមមួយ៕
ប្រភព NHK WORLD ប្រែសម្រយលដោយគីរីដងរែក
