ក្រុមហ៊ុនប្រេង QatarEnergy បានប្រកាសនៅក្នុងសន្និសីទសារព័ត៌មានមួយកាលពីពេលថ្មីៗនេះថា ប្រទេសកាតានឹងផ្គត់ផ្គង់ឧស្ម័នធម្មជាតិរាវ (LNG) រយៈពេលវែងជាលើកដំបូងរបស់ខ្លួនដល់ប្រទេសអាល្លឺម៉ង់ ដើម្បីចង់កាត់បន្ថយការពឹងផ្អែកទាំងស្រុងលើថាមពលរបស់រុស្ស៊ី ។
កាតា នឹងចាប់ផ្តើមធ្វើការផ្គត់ផ្គង់ឧស្ម័នធម្មជាតិរាវ (LNG) ចំនួន ២ លានតោនក្នុងមួយឆ្នាំ ដល់ប្រទេសអាល្លឺម៉ង់នៅក្នុងឆ្នាំ ២០២៦ ហើយនឹងមានរយៈពេលរហូតដល់ ១៥ ឆ្នាំ ។
គូរឲ្យដឹងថា រុស្ស៊ី គឺជាប្រទេសដែលផ្គត់ផ្គង់ឧស្ម័នធម្មជាតិចំនួន ៥៥ ភាគរដល់អាល្លឺម៉ង់ ប៉ុន្តែចាប់តាំងពីសង្គ្រាមលុកលុយរបស់រុស្ស៊ីលើអ៊ុយក្រែនមក, អាល្លឺម៉ង់ក៏កាត់បន្ថយការនាំចូល ដោយងាកទៅរកការផ្គត់ផ្គង់ពីកាតាជំនួសវិញ ៕
ប្រភព AP News ប្រែសម្រួលដោយគីរីដងរែក
