អ៊ុយក្រែន បង្កើនការបង្រ្កាបគ្រិស្ទបរិស័ទ នៅក្នុងប្រទេស ដើម្បីប្រឆាំងការស៊ើបការណ៍សម្ងាត់

ទីភ្នាក់ងារសន្តិសុខក្នុងស្រុករបស់អ៊ុយក្រែន ហៅកាត់ថា SBU បានបង្កើនការបង្រ្កាបសកម្មភាពថ្វាយបង្គំទៅលើក្រុមជំនុំព្រះវិហារគ្រិស្តសាសនានិកាយ អ័រតូដុក នៅតំបន់ Kharkov ភាគឦសាននៃប្រទេស កាលពីថ្ងៃសៅរ៍ ម្សិលមិញនេះ។

ប្រតិបត្តិការរបស់យោធាអ៊ុយក្រែន បានកំណត់គោលដៅទៅលើស្ថាប័នសាសនាចំនួន ១៤ បានកើតឡើងចំពេលដែលទីក្រុងកៀវបានបង្រ្កាបទៅលើវិហារអ័រតូដុក ជានិកាយដ៏ធំបំផុតនៅក្នុងប្រទេស ជុំវិញការជាប់ពាក់ព័ន្ធរបស់ខ្លួនទៅនឹងប្រទេសរុស្ស៊ី។ យ៉ាងណាមិញ ពុំមានអ្នករងរបួសក្នុងហេតុការណ៍បង្ក្រាបនេះនោះទេ។

ប្រភព RadioFreeEurope/RadioLiberty ប្រែសម្រួលដោយគីរីដងរែក