ប្រធានាធិបតីអ៊ុយក្រែនលោក Zelensky ជឿជាក់ថាសមភាគីរុស្ស៊ីរបស់លោកPutinមិនបាន “គំរាមកំហែងដោយចេតនា” អំពីការប្រើប្រាស់អាវុធនុយក្លេអ៊ែរនោះទេ។ប៉ុន្តែនេះអាចជាការពិត។ប្រធានាធិបតីអ៊ុយក្រែនលោក Volodymyr Zelensky បានប្រាប់ CBS នៅថ្ងៃទី២៥ខែកញ្ញាថា “កាលពីម្សិលមិញវាប្រហែលជាមិននឹកស្មានដល់។ប៉ុន្តែឥឡូវនេះវាមានសក្តានុពលក្លាយជាការពិត”។លោកPutinបាននិយាយនៅក្នុងសេចក្តីថ្លែងការណ៍មួយកាលពីថ្ងៃទី២១ខែកញ្ញាថាប្រទេសរុស្ស៊ីអាចប្រើឧបករណ៍ដែលមានទាំងអស់រួមទាំង”អាវុធនៃកម្រិតនៃការបំផ្លិចបំផ្លាញ”ដើម្បីការពារ “បូរណភាពទឹកដី” ។
”បូរណភាពទឹកដី”ដែលប្រធានាធិបតីរុស្ស៊ីបានលើកឡើងនាពេលឆាប់ៗនេះអាចរួមបញ្ចូលទឹកដីអ៊ុយក្រែនចំនួន៤គឺDonetsk,Lugansk,ZaporizhiaនិងKhersonដែលកំពុងធ្វើប្រជាមតិស្តីពីការចូលរួមជាមួយរុស្ស៊ី។លោកPutinក៏បានចេញបទបញ្ជាមួយដើម្បីប្រមូលផ្តុំមួយផ្នែកដើម្បីពង្រឹងប្រតិបត្តិការយោធានៅអ៊ុយក្រែន។ការព្រមានរបស់ប្រធានាធិបតីរុស្ស៊ីលោកPutinបានបង្កើនការព្រួយបារម្ភក្នុងចំណោមមន្ត្រីលោកខាងលិចអំពីហានិភ័យនៃប្រទេសរុស្ស៊ីក្នុងការប្រើប្រាស់អាវុធនុយក្លេអ៊ែរយុទ្ធសាស្ត្រតូចតាចនៅក្នុងជម្លោះនៅអ៊ុយក្រែន។មន្ត្រីគោលនយោបាយការបរទេសរបស់សហភាពអឺរ៉ុប លោក Josep Borrell បាននិយាយថាការព្រមានរបស់លោកPutin ត្រូវតែ “យកចិត្តទុកដាក់” ។
ទន្ទឹមនឹងនោះទីប្រឹក្សាសន្តិសុខជាតិអាមេរិក លោក Jake Sullivan បានព្រមានថាក្រុងវ៉ាស៊ីនតោននឹងឆ្លើយតបយ៉ាងម៉ឺងម៉ាត់និងដាក់ទណ្ឌកម្មរុស្ស៊ីទៅនឹង “មហន្តរាយ” ប្រសិនបើខ្លួនប្រើប្រាស់អាវុធនុយក្លេអ៊ែរនៅអ៊ុយក្រែន។ប្រធានាធិបតីអាមេរិកលោក JoeBidenនៅក្នុងសុន្ទរកថារបស់លោកនៅឯមហាសន្និបាតអង្គការសហប្រជាជាតិនៅទីក្រុងញូវយ៉កកាលពីសប្តាហ៍មុនបានចោទប្រកាន់សមភាគីរុស្ស៊ីរបស់លោកPutinពីការមិនយកចិត្តទុកដាក់ចំពោះការទទួលខុសត្រូវនៃការមិនរីកសាយភាយដោយបង្កើត”ការគំរាមកំហែងនុយក្លេអ៊ែរប្រឆាំងនឹងអឺរ៉ុប”ជាសាធារណៈ។ប្រទេសរុស្ស៊ីមានឃ្លាំងអាវុធនុយក្លេអ៊ែរដ៏ធំបំផុតរបស់ពិភពលោកដែលមានក្បាលគ្រាប់នុយក្លេអ៊ែរប្រហែល៦,០០០គ្រាប់ និងឃ្លាំងស្តុកមីស៊ីលផ្លោងអន្តរទ្វីប (ICBMs) ដ៏ធំសម្បើម៕
ប្រភព CNBC ប្រែសម្រួលដោយគីរីដងរែក
