ប្រទេសសមាជិកអាស៊ានបានគាំទ្រកីឡាគ្រប់ប្រភេទដែលកម្ពុជាស្នើឡើងសម្រាប់ការប្រកួតកីឡាស៊ីហ្គេមលើកទី៣២នៅឆ្នាំ២០២៣។
លោក វ៉ាត់ ចំរើន អគ្គលេខាធិការគណៈកម្មាធិការរៀបចំការប្រកួតកីឡាស៊ីហ្គេមកម្ពុជា (CAMSOC) ថ្លែងបែបនេះក្នុងកិច្ចប្រជុំកូនកាត់នៃក្រុមប្រឹក្សាសហព័ន្ធកីឡាអាស៊ីអាគ្នេយ៍ (SEAGF-Council) ដែលកម្ពុជាធ្វើជាម្ចាស់ផ្ទះនៅខេត្តសៀមរាប ចាប់ពីថ្ងៃទី ៨ ដល់ ១០ ខែមេសា។
កិច្ចប្រជុំរយៈពេលបីថ្ងៃ ដែលមានការចូលរួមដោយផ្ទាល់ពីគណៈប្រតិភូមកពីប្រទេសម្ចាស់ផ្ទះកម្ពុជា ថៃ ម៉ាឡេស៊ី ឥណ្ឌូនេស៊ី សិង្ហបុរី ហ្វីលីពីន និងឡាវ និងតាមរយៈប្រព័ន្ធវីដេអូ Zoom ពីប្រទេសវៀតណាម មីយ៉ាន់ម៉ា ប្រ៊ុយណេ និងទីម័រខាងកើត មានគោលបំណងស្វែងរកការគាំទ្របន្ថែម ជាពិសេស ដើម្បីពិភាក្សាអំពីវឌ្ឍនភាព និងបញ្ហាប្រឈមសម្រាប់កម្ពុជាក្នុងការធ្វើជាម្ចាស់ផ្ទះកីឡាស៊ីហ្គេម។
ដោយ៖ គីរីដងរែក
