តម្លៃមាសតាមបណ្ដាហាងនានានៅក្នុងរាជធានីភ្នំពេញមានការឡើងថ្លែ។ អ្នកជំនាញយល់ថា៖ ទំនោរហាងឆេងមាសមានការកើនឡើង ក្នុងរង្វង់ ៣០០ ដុល្លារ ក្នុងមួយជីដែលហក់ឡើងយ៉ាងខ្លាំង។ ក្រុមហ៊ុន PP Link securities បានថ្ងៃទី ២០ ខែសីហា ឆ្នាំ ២០២៤ នេះថា មូលហេតុដែលធ្វើឱ្យតម្លៃមាសកើនឡើង ដោយសារទំនុកចិត្តរបស់អ្នកវិនិយោគ ពោលគឺ ធនាគារកណ្ដាលអាមេរិកនឹងកាត់បន្ថយអត្រាការប្រាក់ពី ០.២៥ ទៅ ០.៥០ នៅថ្ងៃទី ១៨ ខែកញ្ញាខាងមុខ។
ការប្រកាសកាត់បន្ថយអត្រាការប្រាក់ធ្វើឱ្យអ្នកអ្នកវិនិយោគអស់ទំនុកចិត្តលើលុយដុល្លារ ដោយពួកគាត់នឹងដកលុយពីធនាគារដែលគាត់ធ្លាប់វិនិយោគលើប្រាក់ដុល្លារយកទៅទិញតម្លៃហាងឆេងមាសវិញ។ ម្យ៉ាងទៀតកត្តា ភូមិសាស្ត្រនយោបាយ និងសង្គ្រាមរបស់អ៊ីស្រាអែល និងអ៊ីរ៉ង់ កំពុងឡើងកម្ដៅខ្លាំង ដូច្នេះសញ្ញាណ ភូមិស្ត្រនយោបាយមិនល្អ ដែលរុញច្រានឱ្យតម្លៃហាងឆេងមាសកើនឡើងខ្លាំងដែរ។
កម្ពុជាតម្លៃហាងឆេងមាសនៅលើទីផ្សារលក់ចេញ ៣០១២ ដុល្លារក្នុងមួយតម្លឹង ចំណែកឯទីផ្សារអន្តរជាតិ ២៥០០ ដុល្លារក្នុងមួយអោន៕
អត្ថបទដោយ៖ ជ្រៃមាស
