West Ham United បានឡើងទៅវគ្គពាក់កណ្ដាលផ្ដាច់ព្រ័ត្រ Europa League ក្រោយឈ្នះ Lyon ០ទល់នឹង៣ ក្នុងជើងទី២ ដែលលទ្ធផលសរុបទាំង២ជើង គឺ១ទល់នឹង៤។
នេះជាលើកដំបូងហើយក្នុងរយៈពេល៤៦ឆ្នាំដែលក្រុមរហស្សនាមញញួរធំបានឡើងដល់វគ្គ៤ក្រុមពានកម្រិតអឺរ៉ុបមួយនេះ។
ដោយឡែក FC Barcelona វិញបានធ្លាក់ពីពានទី២កម្រិតអឺរ៉ុបនេះ បន្ទាប់ពីចាញ់ Eintracht Frankfurt ដោយលទ្ធផល២ទល់នឹង៣ ក្នុងជើងទី២ ដូច្នេះលទ្ធផលសរុប គឺ៣ទល់នឹង៤។
ការប្រកួតជើងទី២នៅអេស្ប៉ាញ Frankfurt បាននាំមុខ០ទល់នឹង៣មុន មុន Barcelona ស្រវាបាន២គ្រាប់វិញក្នុងនាទី៩០+១ ដោយ Sergio Busquets និងនាទី៩០+១១ពី Memphis Depay។ ការប្រកួតដ៏តានតឹងនេះមានកាតលឿងដល់ទៅ៩សន្លឹក និងកាតក្រហម១សន្លឹកទៀត។
លទ្ធផលផ្សេងៗទៀត Rangers របស់ស្កុតលែនឈ្នះក្រុមព័រទុយហ្គាល់ Braga ៣ទល់នឹង១ សរុបទាំង២ជើង ៣ទល់នឹង២។ ចំណែកក្រុមអាល្លឺម៉ង់មួយទៀត គឺ RB Leipzig បានយកឈ្នះ Atlanta ៣ទល់នឹង១។
ដូច្នេះ West Ham ត្រូវប៉ះ Frankfurt និង Rangers ជួប Atlanta វគ្គពាក់កណ្ដាលផ្ដាច់ព្រ័ត្រ នៅថ្ងៃទី២៨ ខែមេសា សម្រាប់ជើងទី១ និងជើងទី២ ថ្ងៃទី០៥ ខែឧសភា៕
ដោយ៖គីរីដងរែក
