នាយករដ្ឋមន្ត្រីអ៊ីស្រាអែលលោកBenjaminNetanyahuបានហៅការវិលត្រឡប់របស់អ៊ីស្រាអែលដែលត្រូវបានចាប់ធ្វើជាចំណាប់ខ្មាំងដោយក្រុមហាម៉ាសកាលពីថ្ងៃទី7ខែតុលាថាជា”បេសកកម្មដ៏ពិសិដ្ឋនិងខ្ពស់បំផុត”នៅក្នុងសេចក្តីថ្លែងការណ៍មួយកាលពីថ្ងៃអង្គារខណៈដែលគាត់ប្រឈមមុខនឹងកំហឹងកាន់តែខ្លាំងឡើងពីសមាជិកគ្រួសារចំពោះល្បឿនយឺតនៃវឌ្ឍនភាពក្នុងការធានាការដោះលែងពួកគេ។
គាត់បាននិយាយថា “ការបញ្ជូនចំណាប់ខ្មាំងរបស់យើងមកវិញ គឺជាបេសកកម្មដ៏ពិសិដ្ឋ និងខ្ពស់បំផុត ដែលខ្ញុំបានប្តេជ្ញាចិត្ត។ យើងនឹងមិនបោះបង់ចោលបេសកកម្មដើម្បីបញ្ជូនពួកគេមកវិញទេ ហើយវាជាទំនួលខុសត្រូវរបស់ខ្ញុំ ក៏ដូចជាគណៈរដ្ឋមន្ត្រីនៃសង្រ្គាម” ។
លោកNetanyahuបានចេញសេចក្តីថ្លែងការណ៍នេះបន្ទាប់ពីលោកនិងគណៈរដ្ឋមន្ត្រីសង្គ្រាមរបស់លោកបានជួបជាមួយក្រុមគ្រួសារនៃចំណាប់ខ្មាំងកាលពីថ្ងៃចន្ទ ដោយនិយាយថា ពួកគេ “តែងតែនៅក្នុងចិត្តរបស់ខ្ញុំ និងដឹកនាំសកម្មភាពរបស់ខ្ញុំ”។នាយករដ្ឋមន្ត្រីបាន សន្យាថា លោកនឹងមិនបញ្ឈប់ការប្រយុទ្ធរហូតទាល់តែរដ្ឋាភិបាលអ៊ីស្រាអែល នាំពួកគេត្រឡប់មកផ្ទះវិញ និងបំផ្លាញក្រុមហាម៉ាស។
ប៉ុន្តែថ្មីៗនេះភាពតានតឹងបានផ្ទុះឡើងខណៈដែលគ្រួសារចំណាប់ខ្មាំងខកចិត្តទាមទារចម្លើយពីរដ្ឋាភិបាលអំពីជោគវាសនារបស់មនុស្សជាទីស្រឡាញ់របស់ពួកគេ និងកិច្ចព្រមព្រៀងសម្រាប់ការដោះលែងពួកគេ។រហូតមកដល់ពេលនេះ មានតែក្រុមគ្រួសារមួយចំនួនប៉ុណ្ណោះដែលបានជួបជាមួយលោក Netanyahuដែលធ្វើឱ្យសាច់ញាតិរាប់រយនាក់ផ្សេងទៀតនៃចំណាប់ខ្មាំងខឹងសម្បារដែលនិយាយថារដ្ឋាភិបាលមិនធ្វើគ្រប់គ្រាន់ដើម្បីដោះលែងពួកគេ។
UdiGorenដែលបងប្អូនជីដូនមួយរបស់TalChaimiត្រូវបានគេចាប់ជាឈ្លើយនោះបានចាកចេញពីការប្រជុំមុននេះដោយនិយាយថាគាត់មានអារម្មណ៍ថាមិនមានព័ត៌មានថ្មីអំពីចំណាប់ខ្មាំងដែលផ្តល់ដោយគណៈរដ្ឋមន្ត្រីសង្គ្រាមរួមទាំងព័ត៌មានលម្អិតអំពីកិច្ចព្រមព្រៀងដែលអាចធ្វើទៅបានដើម្បីដោះលែងពួកគេ។
បរិបទខ្លះ៖ រហូតមកដល់ពេលនេះ ចំណាប់ខ្មាំងមួយចំនួនតូចត្រូវបានដោះលែង។ នៅថ្ងៃទី 20 ខែតុលា ជនជាតិអាមេរិកពីរនាក់គឺ Judith Tai Raanan និងកូនស្រីអាយុ 17 ឆ្នាំ Natalie Raanan ត្រូវបានដោះលែងដោយហេតុផលមនុស្សធម៌បន្ទាប់ពីការចរចាររវាងកាតានិងក្រុមហាម៉ាស។ មិនយូរប៉ុន្មាន ស្ត្រីជនជាតិអ៊ីស្រាអែលពីរនាក់គឺ Nurit Cooper និង Yocheved Lifshitz ក៏ត្រូវបានដោះលែងផងដែរ។
ប្រភព CNN ប្រែសម្រួលដោយគិរីដងរែក
