មន្ត្រីសហរដ្ឋអាមេរិកបានប្រាប់ទីភ្នាក់ងារសារព័ត៌មាន Associated Press ថា កងកម្លាំងអាមេរិកប្រហែលជាបានច្រឡំយន្តហោះគ្មានមនុស្សបើករបស់សត្រូវសម្រាប់ខ្លួនរបស់ពួកគេ ហើយអនុញ្ញាតឱ្យវាឆ្លងកាត់ដោយគ្មានឧបសគ្គចូលទៅក្នុងមូលដ្ឋានវាលខ្សាច់មួយក្នុងប្រទេសហ្ស៊កដានី ជាកន្លែងដែលវាបានសម្លាប់ទាហានអាមេរិកបីនាក់ និងរាប់សិបនាក់រងរបួស។
នៅពេលដែលយន្តហោះគ្មានមនុស្សបើករបស់សត្រូវចូលទៅជិតមូលដ្ឋានក្នុងប្រទេសហ្ស៊កដានីក្នុងរយៈកម្ពស់ទាប យន្តហោះគ្មានមនុស្សបើករបស់អាមេរិកក៏កំពុងត្រឡប់ទៅកន្លែងដំឡើងយោធាដែលគេស្គាល់ថា Tower 22នេះបើយោងតាមរបាយការណ៍បឋមដែលដកស្រង់សម្តីដោយមន្ត្រីពីរនាក់ដែលនិយាយទៅកាន់ AP ក្នុងលក្ខខណ្ឌមិនបញ្ចេញឈ្មោះ។
ជាលទ្ធផល ពុំមានការប្រឹងប្រែងបាញ់ទម្លាក់យន្តហោះគ្មានមនុស្សបើករបស់សត្រូវ ដែលបានវាយប្រហារទីស្នាក់ការរបស់សហរដ្ឋអាមេរិកនោះទេ។ រ៉ឺម៉កដែលទាហានដេក បានទទួលរងការវាយប្រហារយ៉ាងខ្លាំងខណៈ រ៉ឺម៉កជុំវិញរងការខូចខាតពីការបំផ្ទុះ និងកម្ទេចកម្ទីហោះ។
Tower 22 ត្រូវបានបំពាក់ដោយប្រព័ន្ធប្រឆាំងដ្រូន ដូចជាឧបករណ៍ស្ទាក់ចាប់យន្តហោះគ្មានមនុស្សបើក Coyote នេះបើយោងតាម AP ។នៅពេលសួរថាតើការបរាជ័យក្នុងការបាញ់ទម្លាក់យន្តហោះគ្មានមនុស្សបើករបស់សត្រូវគឺជា “កំហុសរបស់មនុស្ស” អ្នកនាំពាក្យមន្ទីរបញ្ចកោណលោកស្រី Sabrina Singh បានឆ្លើយតបថា ទីបញ្ជាការកណ្តាលរបស់សហរដ្ឋអាមេរិកនៅតែកំពុងវាយតម្លៃបញ្ហានេះ។
ប្រភព Aljazeera ប្រែសម្រួលដោយគិរីដងរែក
