មេដឹកនាំល្បីៗក្នុងប្រវត្តិសាស្ត្រ១០រូបដែលមានទ្រព្យសម្បត្តិច្រើនជាងគេ

ថ្វីដ្បិតប្រាក់បៀវត្សរ៍ផ្លូវការសម្រាប់មេដឹកនាំពិភពលោកមានចាប់ពីកម្រិតមធ្យមរហូតដល់កម្រិតអ្នកមាន ប៉ុន្តែមេដឹកនាំជាច្រើនបានប្រកាសពីទ្រព្យសម្បត្តិដ៏ច្រើនមុនពេលចូលកាន់តំណែង ខណៈអ្នកខ្លះទៀតមានទ្រព្យសម្បត្តិកើនឡើងច្រើនក្នុងពេលកាន់តំណែងកំពូលនេះ។

ខាងក្រោមនេះជាមេដឹកនាំល្បីៗក្នុងប្រវត្តិសាស្ត្រ១០រូបដែលមានទ្រព្យសម្បត្តិច្រើនជាងគេ
ក្នុងនោះរួមមាន៖

១. វ្លាឌីមៀរ ពូទីន (Vladimir Putin)

លោកបានកាន់តំណែងជានាយករដ្ឋមន្ត្រីសហព័ន្ធរុស្ស៉ីលើកទី១ចាប់ពីឆ្នាំ១៩៩៩-២០០០ និងលើកទី២ចាប់ពីឆ្នាំ២០០៨-២០១២ និងបានជាប់ឆ្នោតជាប្រធានាធិបតីនៃមហាប្រទេសនេះចាប់ពីឆ្នាំ២០១២រហូតដល់ពេលបច្ចុប្បន្ន។ នៅក្នុងឆ្នាំ២០១៨ ប្រាក់បៀវត្សរ៍ផ្លូវការរបស់ប្រធានាធិបតីរុស្ស៊ីមានចំនួន១១៦,០០០ដុល្លារអាមេរិក។ លោក ពូទីន ត្រូវបានគេរាយការណ៍ថាមានទ្រព្យសម្បត្តិរហូតដល់២០០ពាន់លានដុល្លារក្នុងឆ្នាំ២០១៧ នេះបើយោងតាមអតីតនាយកប្រតិបត្តិ Hermitage Capital Management លោក Bill Browder។ ទ្រព្យសម្បត្តិទាំងនេះត្រូវបានគេចោទថាមានទំនាក់ទំនងជាមួយការវិនិយោគធនាគារ និងការវិនិយោគជាច្រើនទៀតនៅលោកខាងលិច។ សរុបទៅ លោក វ្លាឌីមៀរ ពូទីន មានទ្រព្យសម្បត្តិរហូតដល់៨០០ពាន់លានដុល្លារអាមេរិក៕

២. មូអាមម៉ារ ហ្កាដាហ្វ៉ី (Muammar Gaddafi)

លោកជាមេដឹកនាំផ្ដាច់ការនៅប្រទេសលីប៊ី ដែលបានកាន់តំណែងចាប់ពីឆ្នាំ១៩៦៩ រហូតដល់ត្រូវគេផ្ដួលរំលំនៅឆ្នាំ២០១១។ នៅក្នុងឆ្នាំនោះគេបានប៉ាន់ប្រមាណថាអំលុងពេលដែល ហ្កាដាហ្វ៉ី កាន់អំណាច លោកបានរក្សាទុកទ្រព្យសម្បត្តិសរុប២០០ពាន់លានដុល្លារនៅក្នុងគណនីធនាគារសម្ងាត់ ដែលបានពីការវិនិយោគស្រមោល អចលនទ្រព្យ ប្រាក់ចំណូលពីការលក់ប្រេងរបស់ប្រទេសលីប៊ី។

៣. ចូសេហ្វ ស្ដាលីន (Joseph Stalin)

លោកបានកាន់តំណែងជាប្រធានាធិបតីសហភាពសូវៀតចាប់ពីឆ្នាំ១០២២-១៩៥៣។ ទស្សនាវដ្ដីរដ្ឋ Time បានបញ្ជាក់ថា វាជាការលំបាកក្នុងការបែងចែកភាពខុសគ្នារវាងទ្រព្យសម្បត្តិរបស់ជនផ្តាច់ការ និងរបស់សហភាពសូវៀត ប៉ុន្តែយ៉ាងណាគេបានវាយតម្លៃទៅលើទ្រព្យសម្បត្តិរបស់លោកថាមានតម្លៃស្មើនឹង៧.៥ពាន់លានដុល្លារអាមេរិក។

៤. អាដូហ្វ ហ៉ីត្លែរ (Adolf Hitler)

៥. គីម ចុងអ៊ុន (Kim Jong-un)

មេដឹកនាំកូរ៉េខាងជើងរូបនេះមានកប៉ាលនិងរថយន្តទំនើបៗ និងទ្រព្យសម្បត្តិស្មើនឹងតម្លៃ៥ពាន់លានដុល្លារអាមេរិក។ លោក គីម ចុងអ៊ុន កាន់តំណែងជាមេដឹកនាំកូរ៉េខាងជើងចាប់ពីឆ្នាំ២០១១រហូតដល់ពេលបច្ចុប្បន្ន។

៦. ដូណាល់ ត្រាំ (Donald Tramp)

លោកជាប្រធានាធិបតីដែលមានបំផុតរបស់សហរដ្ឋអាមេរិក ជាមហាសេដ្ឋីអចលនទ្រព្យ និងជាម្ចាស់ប្រព័ន្ធផ្សព្វផ្សាយ។ យោងតាមទស្សនាវដ្ដី Forbes ទ្រព្យសម្បត្តិសុទ្ធរបស់លោក ត្រាំ បានកើនឡើងដល់៤.៥ពាន់លានដុល្លារក្នុងឆ្នាំ២០១៦។ លោក ដូណាល់ ត្រាំ បានកាន់តំណែងជាប្រធានាធិបតីទី៤៥របស់សហរដ្ឋអាមេរិកចាប់ពីឆ្នាំ២០១៧-២០២១។

៧. សាដាំ ហ៊ូសសេន (Saddam Hussein)

លោកជាប្រធានាធិបតីប្រទេសអ៉ីរ៉ាក់ចាប់ពីឆ្នាំ១៩៧៩-២០០៣។ លោកទទួលបានទ្រព្យសម្បត្តិយ៉ាងច្រើនក្នុងពេលកាន់តំណែងរហូតដល់ការបណ្តេញចេញពីតំណែង។ ទ្រព្យសម្បត្តិរបស់លោកមានតម្លៃស្មើនឹង២ពាន់លានដុល្លារអាមេរិកក្នុងឆ្នាំ២០០៣។ យោងតាមទស្សនាវដ្តី Forbes បានឱ្យដឹងថា ទ្រព្យសម្បត្តិរបស់លោក សាដាំ ហ៊ូសសេន មានតម្លៃស្មើនឹង២.៨ពាន់លានដុល្លារក្នុងឆ្នាំ២០២១។ ទ្រព្យសម្បត្តិជាច្រើនដែលលោកកាន់កាប់ រួមមានវិមានចំនួន៨៩ រថយន្តទំនើបៗជាច្រើន និងភាគហ៊ុនធំនៅក្នុងក្រុមហ៊ុនប្រព័ន្ធផ្សព្វផ្សាយ ដូចជា Lagardere SCA នៅប្រទេសបារាំង។

៨. បាសារ អាល់-អាសាដ (Bashar al-Assad)

លោកជាមេដឹកនាំផ្ដាច់ការរបស់ប្រទេសស៉ីរី ដែលត្រូវបានបំផ្លិចបំផ្លាញដោយសង្រ្គាមតាំងពីឆ្នាំ២០០០។ ក្រោយពេលចាញ់សង្គ្រាម គេបានចោទប្រកាន់លើលោកថាបានរក្សាទុកទ្រព្យសម្បត្តិរហូតដល់១២២ពាន់លានដុល្លារ ដែលភាគច្រើនបានមកពីអំពើពុករលួយលើទ្រព្យសម្បត្តិរដ្ឋ ប៉ុន្តែការវិភាគនៅឆ្នាំ២០១២បានរាយការណ៍នៅលើទំព័រកាសែត Guardian ថា ទ្រព្យសម្បត្តិសរុបរបស់អាសាដមានត្រឹមតែ១.៥ពាន់លានដុល្លារអាមេរិកតែប៉ុណ្ណោះ។

៩. ហ្វ៉ីឌែល ហ្កាស្ត្រូ (Fidel Castro)

លោក ហ្វ៉ីឌែល ហ្កាស្ត្រូ ជាមេដឹកនាំយូរជាងគេបំផុតរបស់ប្រទេសគុយបាដែលនិយមលទ្ធិម៉ាក្សលេនីន (កុម្មុយនីស្ដ)។ លោកមានប្រវត្តិកាន់តំណែងជានាយករដ្ឋមន្ត្រីនៃប្រទេសគុយបាចាប់ពីឆ្នាំ១៩៥៩-១៩៧៦ និងជាប្រធានាធិបតីនៃប្រទេសនេះចាប់ពីឆ្នាំ១៩៧៦-២០០៨។ ការកាន់តំណែងដ៏យូរអង្វែងនេះធ្វើឱ្យលោកទទួលបានទ្រព្យសម្បត្តិយ៉ាងច្រើន។ គេបានរាយការណ៍ថា នៅក្នុងឆ្នាំ២០០៦ ទ្រព្យសម្បត្តិរបស់លោកមានតម្លៃ៩០០លានដុល្លារ ដែលជាចំនួនខ្ពស់បំផុត ហើយបើគិតក្នុងពេលបច្ចុប្បន្នស្មើនឹងប្រហែល១.១៥ពាន់លានដុល្លារអាមេរិក ។

១០. ចច វ៉ាស៉ីនតោន (George Washington)

លោកជាប្រធានាធិបតីដំបូងគេរបស់សហរដ្ឋអាមេរិក ដែលបានកាន់តំណែងចាប់ពីឆ្នាំ១៧៨៩-១៧៩៧។ នៅសម័យដើមដំបូងនោះប្រហែលមានតែលោកហើយដែលមានទ្រព្យសម្បត្តិច្រើនជាងគេនៅសហរដ្ឋអាមេរិក ក្នុងនោះលោកមានស្រែចម្ការសរុប៨,០០០ហិកតា និងកសិដ្ឋានធំៗចំនួន៥នៅតំបន់ Mount Vernon និងមានទាសករបម្រើការរាប់រយនាក់។ ចំនួនខ្ពស់បំផុតនៃទ្រព្យសម្បត្តិលោក វ៉ាស៊ីនតោន គឺមានរហូតដល់៥៥៣លានដុល្លារអាមេរិក។

ដោយគីរីដងរែក