(ឡុងដ៍)៖ ព្រឹត្តិការណ៍ប្រកួតបាល់ទាត់ផ្នែកនារី Women’s Nations League នឹងចាប់ផ្តើមជាលើកដំបូងនៅឆ្នាំ២០២៣។ នេះបើយោងតាមសារព័ត៌មាន BBC ចេញផ្សាយនាថ្ងៃទី០៤ ខែវិច្ឆិកា ឆ្នាំ២០២២។
ស្ថាប័នគ្រប់គ្រងបាល់ទាត់អឺរ៉ុប (UEFA) បានប្រកាសព្រឹត្តិការណ៍ប្រកួតប្រជែងថ្មី ដែលនឹងចាប់ផ្តើមនាសរទររដូវ ឆ្នាំ២០២៣ ជាការឆ្ពោះទៅកាន់ព្រឹត្តិការណ៍ Women’s European Championship ឆ្នាំ២០២៥។
«ឥឡូវនេះដល់ពេលវេលាហើយ ដែលត្រូវអភិវឌ្ឍន៍វិស័យកីឡាបាល់ទាត់ផ្នែកនារីបន្ថែមទៀត» នេះបើតាមសម្តីប្រធាន UEFA លោក Aleksander Ceferin បានលើកឡើង។
គួររំលឹកថា ព្រឹត្តិការណ៍ Nations League ផ្នែកបុរស ត្រូវបានចាប់ផ្តើមប្រកួតកាលពីឆ្នាំ២០១៨ ដើម្បីជំនួសឲ្យការប្រកួតលក្ខណៈមិត្តភាពអន្តរជាតិ ជាមួយនឹងការប្រកួតប្រជែងកាន់តែច្រើនជាងមុន៕
ប្រភព BBC ប្រែសម្រួលដោយគីរីដងរែក
