នៅក្នុងសប្តាហ៍នេះ ក្រសួងពាណិជ្ជកម្មប្រកាសថា តម្លៃប្រេងសាំងធម្មតាបានចុះថ្លៃមកត្រឹម ៤២០០រៀល ក្នុងមួយលីត្រ ចំណែកប្រេងម៉ាស៊ូត ចុះមកត្រឹម ៤៦៥០រៀល ដោយអនុវត្តចាប់ពីថ្ងៃនេះ រហូតដល់ថ្ងៃទី ១០ ខែ ធ្នូ ឆ្នាំ ២០២២។ នេះបើតាមសេចក្តីប្រកាសព័ត៌មានរបស់ក្រសួងពាណិជ្ជកម្មនៅថ្ងៃនេះ។
យោងតាមប្រកាសនេះ មានន័យថា ប្រេងសាំងបានចុះថ្លៃ ១៥០រៀល ខណៈប្រេងម៉ាស៊ូតចុះ ៣៥០រៀល ក្នុងមួយលីត្រ បើធៀបនឹងតម្លៃកាលពីសប្តាហ៍មុន.
សូមបញ្ជាក់ថា ក្រសួងពាណិជ្ជកម្ម ចេញតម្លៃលក់រាយរៀងរាល់ ១០ថ្ងៃម្តង ដើម្បីឆ្លើយតបឱ្យទាន់និន្នាការនៃការប្រែ ប្រួលថ្លៃប្រេងឥន្ធនៈនៅលើសកលលោក៕
ដោយគីរីដងរែក
