នាយករដ្ឋមន្ត្រីអ៊ីតាលី លោកស្រី Giorgia Meloni បាននិយាយថា ទំនាក់ទំនងរបស់អ៊ីតាលីជាមួយប្រទេសចិន គឺសំខាន់លើសពីគំនិតផ្តួចផ្តើមខ្សែក្រវាត់ និងផ្លូវមួយ ខណៈការសម្រេចចិត្តចុងក្រោយស្តីពីការដកខ្លួនចេញពីគំនិតផ្តួចផ្តើមនេះ មិនទាន់ត្រូវបានធ្វើឡើងនៅឡើយទេ។
ប្រទេសអ៊ីតាលីនឹងដកខ្លួនចេញពីគំនិតផ្តួចផ្តើមខ្សែក្រវាត់ និងផ្លូវ ហើយជំនួសឱ្យការស្វែងរកការស្តារឡើងវិញនូវកិច្ចព្រមព្រៀងភាពជាដៃគូយុទ្ធសាស្ត្រជាមួយប្រទេសចិន ក្នុងគោលបំណងពង្រឹងកិច្ចសហប្រតិបត្តិការសេដ្ឋកិច្ច ដែលខ្លួនបានចុះហត្ថលេខាជាលើកដំបូងក្នុងឆ្នាំ ២០០៤ ។
ប្រទេសអ៊ីតាលី គឺជាប្រទេស G7 តែមួយគត់ដែលបានចុះហត្ថលេខាលើគំនិតផ្តួចផ្តើមខ្សែក្រវាត់ និងផ្លូវមួយ ដែលជាផែនការពាណិជ្ជកម្ម និងហេដ្ឋារចនាសម្ព័ន្ធសកល ដែលយកគំរូតាមផ្លូវសូត្របុរាណ ដែលភ្ជាប់ចក្រភពចិនទៅលោកខាងលិច។
ប្រទេសអ៊ីតាលីនឹងក្លាយជាប្រធានក្រុមប្រទេស G7 នៅឆ្នាំក្រោយ ហើយការធ្វើកំណែទម្រង់ទំនាក់ទំនងរបស់ប្រទេសនេះ ជាមួយទីក្រុងប៉េកាំងនឹងធ្វើឱ្យសម្ព័ន្ធមិត្តលោកខាងលិចរបស់ខ្លួន មានភាពភ័យខ្លាចឥទ្ធិពលរបស់ចិន។
លោកស្រីបានលើកឡើងនាឱកាសនោះថា «ចំណុចសំខាន់គឺ ថាតើធ្វើដូចម្តេចដើម្បីធានាថាភាពជាដៃគូដែលផ្តល់ផលប្រយោជន៍ដល់ភាគីទាំងពីរ ដោយមិនគិតពីការសម្រេចចិត្តរបស់យើងលើគំនិតផ្តួចផ្តើមខ្សែក្រវ៉ាត់ និងផ្លូវ»៕
ប្រភព Chatham House – International Affairs Think Tank ប្រែសម្រួលដោយគិរីដងរែក
