កាលពីថ្ងៃទី២៤ ខែកុម្ភៈ ឆ្នាំ២០២៦ ប៉ូលីសផ្លូវហាយវេបានចាប់ខ្លួនជនជាតិមីយ៉ាន់ម៉ាម្នាក់ដែលបើករថយន្តភីកអាប់ដឹកកម្មករចំណាកស្រុកគ្មានឯកសារចំនួន៧នាក់នៅលើផ្លូវ Phahonyothin ក្នុងខេត្ត Pathum Thani។ ការឃាត់ខ្លួននេះ ធ្វើឡើងក្រោមការដឹកនាំរបស់លោក ប៉ុល លោកវរសេនីយ៍ឯក Thatcha Pho Suwan នាយការិយាល័យនគរបាលចរាចរណ៍ផ្លូវគោកទី១ បន្ទាប់ពីសមត្ថកិច្ចស្ទាក់ចាប់បានរថយន្តសង្ស័យមួយគ្រឿងនៅចន្លោះគីឡូម៉ែត្រលេខ៣៨ និងលេខ៣៩ លើចិញ្ចើមផ្លូវ Phahonyothin ស្ថិតក្នុងសង្កាត់ Khong Nueng ស្រុក Khlong Luang។
ប៉ូលិសបានឃាត់ខ្លួនឈ្មោះ Nay Min Latt អាយុ ៣៦ ឆ្នាំ ជនជាតិមីយ៉ាន់ម៉ា រួមនឹងជនចំណាកស្រុកគ្មានឯកសារចំនួន ៧ នាក់ មានសញ្ជាតិដូចគ្នា មានបុរស ៣ នាក់ និងស្ត្រី ៤ នាក់ ។ សមត្ថកិច្ចក៏បានរឹបអូសយករថយន្ត Toyota Revo ពណ៌ប្រផេះ ពាក់ស្លាកលេខ បាងកក និង កញ្ចក់ពណ៌ យ៉ាងសន្ធោសន្ធៅ។
លោក វរសេនីយ៍ទោ Kittipob Thongphet អធិការរងនគរបាលផ្លូវហាយវេលេខ១ បាននិយាយថា ប្រតិបត្តិការនេះបានអនុវត្តតាមគោលការណ៍ ដើម្បីបង្រ្កាបបណ្តាញអន្តោប្រវេសន៍ខុសច្បាប់ និងបណ្តាញឆបោក។ ក្រុមអ្នកស៊ើបអង្កេតបានដឹងថា ពលករចំណាកស្រុកមួយក្រុមនឹងត្រូវរត់ពន្ធឆ្ពោះទៅទីក្រុងបាងកក ហើយរៀបចំការឃ្លាំមើល មុនពេលឈប់រថយន្តដើម្បីត្រួតពិនិត្យ។
ក្នុងពេលសាកសួរ លោក ណៃ មីនឡាត បានសារភាពថា ខ្លួនបានជួលឲ្យប្រមូលជនចំណាកស្រុកទាំង ៧ នាក់ ពីខេត្ត ណាខន សាវ៉ាន់ មកក្រុងបាងកក ដោយគិតលុយម្នាក់ៗ ១.០០០ បាត។ លោកបានទទួលស្គាល់ថាដោយដឹងថាគ្មានអ្នកដំណើរណាម្នាក់មានឯកសារផ្លូវច្បាប់ទេ ហើយបាននិយាយថាលោកបានធ្វើដំណើរស្រដៀងគ្នានេះចំនួនពីរដងមុនរួចមកហើយ។
ជនចំណាកស្រុកដែលនិយាយតាមរយៈអ្នកបកប្រែបានប្រាប់ប៉ូលីសថាពួកគេបានឆ្លងព្រំដែនតាមទូកពីប្រទេសមីយ៉ាន់ម៉ាតាមរយៈស្រុក Mae Sot ក្នុងខេត្ត Tak ។ ពួកគេបាននិយាយថា ពួកគេបានបង់ប្រាក់ដែលមិនបានបង្ហាញឱ្យដឹងទៅមេខ្យល់ដើម្បីស្វែងរកការងារធ្វើនៅប្រទេសថៃ។ ជនសង្ស័យទាំងអស់ត្រូវបានសមត្ថកិច្ចប្រគល់ទៅឲ្យផ្នែកស៊ើបអង្កេតនៅប៉ុស្តិ៍នគរបាលព្រែកលួង ដើម្បីចាត់ការបន្តតាមនិតិវិធីច្បាប់។
ប្រភព The Khaosodenlish ប្រែសម្រួលដោយគិរីដងរែក
