ចិននៅតែបន្តនាំចូលថាមពលពីរុស្ស៊ីបន្ថែមទៀតនៅក្នុងខែតុលា ហើយបើធៀបនឹងខែដូចគ្នាកាលពីឆ្នាំមុននោះ គឺការនាំចូលប្រេង និងឧស្ម័ន កើនឡើងខ្ពស់ក្នុងរយៈពេល ៧ ខែជាប់គ្នា ។
តាមរយៈអាជ្ញាធរគយចិនបានប្រកាសថា ពួកគេបាននាំចូលប្រេងឆៅជាង ៧.៧ លានតោនពីប្រទេសរុស្ស៊ី ដែលកើនឡើង ១៦ ភាគរយ បើធៀបនឹងឆ្នាំមុន ។ ដោយឡែក ចំពោះការនាំចូលឧស្ម័នធម្មជាតិវិញ ក៏មានកម្រិតខ្ពស់ជាងមុនផងដែរ គឺ៥៥ ភាគរយពោលមាន ចំនួនរហូតដល់ ៧៥ ម៉ឺន តោន ។
ចំណែកការនាំចូលថាមពល បានរួមចំណែកដល់ការកើនឡើង ៤៩.៩ ភាគរយសម្រាប់តម្លៃនៃការនាំចូលរបស់ចិនពីប្រទេសរុស្ស៊ី គិតជាប្រាក់ដុល្លារសម្រាប់រយៈពេល ១០ ខែនេះ ។
ជាមួយគ្នានោះ អ្នកវិភាគនិយាយថា ការនាំចេញប្រេង និងឧស្ម័នបាននិងកំពុងជួយជំរុញសេដ្ឋកិច្ចរុស្ស៊ី ចាប់តាំងពីផ្ទុះសង្គ្រាមលុកលុយលើអ៊ុយក្រែនកាលពីថ្ងៃទី២៤ ខែកុម្ភៈ ៕
ប្រភព NHK WORLD ប្រែសម្រួលដោយគីរីដងរែក
