ខេត្តសៀមរាប ថ្ងៃទី២៩ ដល់ថ្ងៃទី៣១ ខែមីនា ឆ្នាំ២០២៣៖ គ្រឹះស្ថានមីក្រូហិរញ្ញវត្ថុ មហានគរ ម.ក ដែលជាគ្រឹះស្ថានមីក្រូហិរញ្ញវត្ថុ ទទួលប្រាក់បញ្ញើ នៅប្រទេសកម្ពុជា បានចូលរួមកម្មវិធី ” ទិវាវប្បធម៌ជាតិ ៣មីនា លើកទី២៥ ឆ្នាំ២០២៣ ” ដែលបានរៀបចំឡើងដោយមន្ទីរវប្បធម៌ និងវិចិត្រសិល្បៈ ខេត្តសៀមរាប ជាមួយនឹងការពិព័រណ៍ផលិតផលវប្បធម៌នានា និងគ្រឹះស្ថាន ធនាគារ វិស័យហិរញ្ញវត្ថុ… សិល្បៈរបាំផ្សេងៗចម្រុះជាច្រើន ដូចជាការសម្ដែងគុនខ្មែរ “ល្បុកតោ” ជាដើម ដើម្បីលើកស្ទួយនូវរបាំ ក៏ដូចជាវប្បធម៌សិល្បៈប្រពៃណីជាតិខ្មែរជាច្រើនទម្រង់។
ការរៀបចំទិវាវប្បធម៌ជាតិ ៣ មីនា លើកទី២៥ ឆ្នាំ២០២៣ ក្រោមប្រធានបទ “យុវជន ដើម្បីវប្បធម៌ជាតិ” ដែលបានប្រព្រឹត្តិធ្វើឡើងទីតាំងនៅបរិវេណសួនច្បារមហាសណ្ឋាគារអង្គរមាត់ស្ទឹង ខេត្តសៀមរាប មានការអញ្ជើញចូលរួមជាគណៈអធិបតីដ៏ខ្ពង់ខ្ពស់ពីថ្នាក់ដឹកនាំតំណាងក្រសួង-ស្ថាប័ននានា ក៏ដូចជាតំណាងវិស័យធនាគារ និងគ្រឹះស្ថានហិរញ្ញវត្ថុឯកជនជាច្រើនផងដែរ។
គ្រឹះស្ថានមីក្រូហិរញ្ញវត្ថុ មហានគរ ម.ក ពិតជាមានសេចក្តីសោមនស្សក្រៃលែង ដែលបានចូលរួមក្នុងកម្មវិធី ការពិព័រណ៍ផលិតផលវប្បធម៌នានា ហើយក៏មានមោទនភាពដែលបានចូលរួមលើកស្ទួយ និងថែរក្សាវប្បធម៌ជាតិ ដែលជាដួងព្រលឹងនៃជាតិខ្មែរ៕
នៅក្នុងឱកាសនោះផងដែរ គ្រឹះស្ថានមីក្រូហិរញ្ញវត្ថុ មហានគរ ម.ក ក៏បានផ្តល់ព័ត៌មាន ដល់អតិថិជនដែលបានចូលរួមក្នុងការសាកសួរពីសេវាកម្មហិរញ្ញវត្ថុ និងអញ្ជើញមកបើកគណនីជាមួយគ្រឹះស្ថានយ៉ាងច្រើនកុះករ ថែមទាំងទទួលបានវត្ថុអនុស្សាវរីយ៍ដ៏ស្រស់ស្អាតជាច្រើនរួមមាន៖ ឆត្រ ដបទឹក ថង់យួរ ប៊ិច សៀវភៅ…។
ក្នុងនោះផងដែរ ក៏មានការបង្ហាញនូវសេវាហិរញ្ញវត្ថុជាច្រើនរបស់មហានគរ ជាពិសេសជាមួយ សេវាធនាគារចល័ត មហានគរ ម៉ូបាល (MOHANOKOR Mobile) ដែលមានគុណតម្លៃដ៏វិសេសរួមមាន៖
1. ការទូទាត់កាន់តែរហ័ស និងសុវត្ថិភាព
2. ការគ្រប់គ្រងហិរញ្ញវត្ថុនៅក្នុងដៃអ្នក
3. ផ្ទេរសាច់ប្រាក់ក្នុងរយៈពេលដ៏ខ្លី
4. ការបញ្ចូលលុយទូរស័ព្ទ
5.ការធ្វើប្រតិបត្តិការបានជាច្រើនដ៏សម្បូរបែប។
កម្មវិធីនេះបញ្ជាក់ឱ្យឃើញពីការយកចិត្តទុកដាក់របស់ គ្រឹះស្ថានមីក្រូហិរញ្ញវត្ថុ មហានគរ ម.កនិងថ្លែងអំណរអរគុណយ៉ាងជ្រាលជ្រៅ ទៅដល់អតិថិជនចំពោះការគាំទ្រ ជឿជាក់មកលើសេវាកម្មហិរញ្ញវត្ថុរបស់យើងកន្លងមក ព្រមទាំងបន្តគាំទ្រតទៅទៀត។
គ្រឹះស្ថានមីក្រូហិរញ្ញវត្ថុ មហានគរ ម.កដៃគូហិរញ្ញវត្ថុដ៏ជឿទុកចិត្តរបស់លោកអ្នក!
សម្រាប់ព័ត៌មានបន្ថែម សូមទាក់ទងទៅកាន់ផ្នែកបម្រើសេវាកម្មអតិថិជនតាមរយៈលេខទូរស័ព្ទ: ១៨០០-២០-៦៦៦៦
Email: info@mohanokor.com Facebook Page / Telegram: Mohanokor MFI ឬ គេហទំព័រ: www.mohanokormfi.com.kh ។
ដោយគីរីដងរែក
