(បន្ទាយមានជ័យ) ៖ តាមសេចក្ដីរាយការណ៍ពីប្រជាពលរដ្ឋដែលរស់នៅក្នុងភូមិសែសិន សង្កាត់អូរអំបិល ក្រុងសិរីសោភ័ណ្ឌ ខេត្តបន្ទាយមានជ័យ មានរោងចក្រទឹកកកយីហោឈ្មោះ ស្រីទូចបង្ហូរទឹកសំណល់ចូលស្ទឹងសិរីសោភ័ណ្ឌ បណ្ដាលអោយត្រីងាប់យ៉ាងច្រើន ធ្វេីឲ្យបះពាល់បរិស្ថាន សុខភាព អនាម័យ នៃការរស់នៅរបស់ប្រជាពលរដ្ជរស់នៅជុំវិញស្ទឹង។
សូមបញ្ជាក់ថា៖ រោងចក្រទឹកកកអនាម័យ យីហោ ស្រីទូច ស្ថិតក្នុងភូមិសែសិន សង្កាត់អូរអំបិល ក្រុងសិរីសោភ័ណ្ឌ ខេត្តបន្ទាយមានជ័យ ចំពោះទឹកសម្អុយដែលម្ចាស់រោងចក្របានបង្ហូរមកនោះ គឺហូរធ្លាក់ចូលក្នុងស្ទឹងសិរីសោភ័ណ្ឌដែលប្រជាពលរដ្ឋបានអាស្រ័យនឹងប្រេីប្រាស់តាំងតែពីជំនាន់ដូនតាមកម៉្លេះ។
កុំថាឡេីយតែត្រីងាប់ពេញស្ទឹងសូម្បីតែប្រជាពលរដ្ឋក៏មិនអាចប្រើទឹកស្ទឹងនេះទៀតបានដែរដូចនេះប្រជាពលរដ្ឋភូមិសែសិន សង្កាត់អូរអំបិល ក្រុងសិរីសោភ័ណ្ឌ ខេត្តបន្ទាយមានជ័យសូមសំណូមពរដល់អាជ្ញាធរមូលដ្ឋានគ្រប់លំដាប់ថ្នាក់ក្នុងខេត្ត ជាពិសេសលោក អ៊ុ រាត្រីអភិបាលនៃគណៈអភិបាលខេត្តបន្ទាយមានជ័យ មេត្តាចាត់តាំងមន្រ្តីជំនាញចុះមកពិនិត្យមេីលផងទានខណៈរដូវវស្សាដែលកំពុងតែខិតចូលមកដល់ ទឹកសម្អុយនឹងត្រូវហ៊ាហូរសាយភាយគ្រប់ទីកន្លែងជាក់ជាពុំខាន នឹង ធ្វើអោយប៉ះពាល់ស្ទឹងសិរីសោភ័ណ្ឌទាំងមូលផងដែរ។
សារព័ត៌មានគីរីដងរែក យើងខ្ញុំនឹងតាមដាន រឿងរោងចក្រទឹកកកអនាម័យ យីហោ ស្រីទូច ថាតើមានទុរយោធំ ប៉ុណ្ណា បានជាអាជ្ញាធរមូលដ្ឋានគ្រប់លំដាប់ថ្នាក់ក្នុងខេត្តបន្ទាយមានជ័យមិនហ៊ានប៉ះពាល់។
ដោយគីរីដងរែក
