អ្នកនាំពាក្យក្រសួងការបរទេសរុស្សី Zakharova បានស្នើឱ្យ EUសម្រេចថាតើប្លុកនេះចង់ដោះស្រាយជម្លោះអ៊ុយក្រែនដោយការទូតឬដោយកម្លាំង។អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយកាលពីថ្ងៃសុក្រថា “ជាដំបូងសហភាពអឺរ៉ុប (EU) គួរតែសម្រេចចិត្តដោយខ្លួនឯង” ដោយជំរុញឱ្យ EU សម្រេចថាតើប្លុកនេះកំពុងបន្តគោលនយោបាយការបរទេសឯកភាពឬតាមការសម្រេចចិត្តរបស់រដ្ឋសមាជិកនីមួយៗ។អ្នកនាំពាក្យរបស់ក្រសួងការបរទេសរុស្ស៊ីបាននិយាយថា លោកស្រីបានឮម្តងហើយម្តងទៀតនូវសេចក្តីថ្លែងការណ៍ដែលមានជម្លោះពីសហភាពអឺរ៉ុប។ យោងតាមលោកស្រីZakharovaគំនិតផ្តួចផ្តើមស្ថាបនាជាច្រើនត្រូវបានចាប់ផ្តើមដោយរដ្ឋសមាជិកសហភាពអឺរ៉ុប។ប៉ុន្តែក្រោយមកត្រូវបានដកចេញវិញដោយសារតែពួកគេមិនត្រូវបានអនុម័តដោយទីក្រុងប្រ៊ុចសែល។
លោក Zakharova បាននិយាយថា “បន្ទាប់មក EU ក៏ត្រូវសម្រេចចិត្តថាតើខ្លួនគាំទ្រការចរចាលើអ៊ុយក្រែនឬចង់ដោះស្រាយបញ្ហានៅលើសមរភូមិ”។សេចក្តីថ្លែងការណ៍របស់អ្នកនាំពាក្យក្រសួងការបរទេសរុស្ស៊ីគឺមានបំណងធ្វើអត្ថាធិប្បាយលើព័ត៌មានដែលអូទ្រីសស្នើឱ្យរៀបចំការចរចានៅក្នុងប្រទេសដើម្បីកាត់បន្ថយភាពតានតឹងនៅអ៊ុយក្រែន។ លោកស្រី Zakharova បាននិយាយថា រុស្ស៊ីអាចពិចារណាសំណើបែបនេះបាន លុះត្រាតែសហភាពអឺរ៉ុបបានកំណត់ជម្រើសរបស់ខ្លួនលើអ៊ុយក្រែន។មន្ត្រីគោលនយោបាយការបរទេសរបស់សហភាពអឺរ៉ុប លោក Josep Borrell បាននិយាយកាលពីថ្ងៃទី០៥ខែតុលាថា ប្លុកនេះបានត្រៀមខ្លួនជាស្រេចដើម្បីស្វែងរកដំណោះស្រាយការទូតចំពោះជម្លោះអ៊ុយក្រែន ។
ប៉ុន្តែបានសន្យាថានឹងបន្តគាំទ្រទីក្រុងគៀវ ទាំងផ្នែកយោធា និងហិរញ្ញវត្ថុ ព្រមទាំងបង្កើនសម្ពាធលើរុស្ស៊ីតាមរយៈការដាក់ទណ្ឌកម្ម។កាលពីដើមខែមេសា លោក Borrell បានប្រកាសថា ជម្លោះនៅអ៊ុយក្រែននឹងត្រូវសម្រេចនៅលើសមរភូមិ។សហភាពអឺរ៉ុប មិនទាន់បានឆ្លើយតបចំពោះ ព័ត៌មាននេះនៅឡើយទេ។
កាលពីថ្ងៃទី០៦ ខែតុលា បានដាក់ទណ្ឌកម្មកញ្ចប់ទី៨ប្រឆាំងនឹងរុស្ស៊ី ដោយពង្រីកការហាមឃាត់ពាណិជ្ជកម្ម និងការហាមឃាត់ផ្ទាល់ខ្លួនទាក់ទងនឹង”ការបញ្ចូលខេត្តចំនួន៤របស់អ៊ុយក្រែន ការបង្កើនទ័ពនិងការគំរាមកំហែងម្តងហើយម្តងទៀតក្នុងការប្រើប្រាស់អាវុធប្រល័យលោក”។សហភាពអឺរ៉ុប ធ្លាប់បានដាក់ទណ្ឌកម្មលើវិស័យសំខាន់ៗរបស់រុស្ស៊ី ដូចជាមាស និងថាមពល។ លោក Mikhail Ulyanov តំណាងអចិន្ត្រៃយ៍របស់រុស្ស៊ីប្រចាំអង្គការអន្តរជាតិនៅទីក្រុងវីយែន បាននិយាយថា ប្រទេសលោកខាងលិចបានដាក់ទណ្ឌកម្មចំនួន១១,០០០លើប្រទេសរុស្ស៊ី៕
ប្រភព RT ប្រែសម្រួលដោយគីរីដងរែក
