(វ៉ាស៊ីនតោន)៖ ក្រសួងការបរទេសសហរដ្ឋអាមេរិក នៅថ្ងៃព្រហស្បតិ៍នេះ បានប្រកាសផ្តល់រង្វាន់សម្រាប់ព័ត៌មានដែលនាំទៅដល់ការចាប់ខ្លួន ឬការកាត់ទោសជនជាតិវ៉េណេស៊ុយអេឡាជាច្រើននាក់ រួមទាំងប្រធានាធិបតី Nicolas Maduro ដែលទីក្រុងវ៉ាស៊ីនតោន មានគោលបំណងជំរុញឱ្យចេញពីអំណាច។
ក្រសួងការបរទេសបាននិយាយនៅក្នុងសេចក្តីថ្លែងការណ៍មួយថា “នាយកដ្ឋានកំពុងផ្តល់រង្វាន់រហូតដល់ 15 លានដុល្លារសម្រាប់ព័ត៌មានទាក់ទងនឹង Nicolas Maduro Moros” ។ ចំណាត់ការនេះបានកើតឡើងខណៈដែលក្រសួងយុត្តិធម៌អាមេរិកបានប្រកាសពីការចោទប្រកាន់ប្រឆាំងនឹងលោក Maduro និងអ្នកដទៃទៀតពីបទភេរវកម្ម។
ប្រភព Reuters ប្រែសម្រួលដោយគិរីដងរែក
