ប្រទេសវៀតណាមកាលពីថ្ងៃទី26 ខែមីនា បានអំពាវនាវឱ្យអាមេរិក ទទួលស្គាល់ខ្លួនជាប្រទេសសេដ្ឋកិច្ចទីផ្សារ ដោយទំនាក់ទំនងពាណិជ្ជកម្មកាន់តែរឹងមាំ នឹងផ្តល់ផលប្រយោជន៍ដល់ទីក្រុងវ៉ាស៊ីនតោន នៅក្នុងតំបន់ ខណៈខ្លួនស្វែងរកការធ្វើពិពិធកម្មពីប្រទេសចិន។ វៀតណាម និងចិនស្ថិតក្នុងចំណោមប្រទេស រឹតបន្តឹងដោយអាមេរិកអំពីការនាំចេញ។ រដ្ឋបាលរបស់ប្រធានាធិបតីJoe Biden កាលពីខែតុលា បានយល់ព្រមពិនិត្យស្ថានភាពរបស់វៀតណាម។
រដ្ឋមន្ត្រី ការបរទេសវៀតណាមលោក Bui Thanh Son បាននិយាយថា “មិត្តភ័ក្តិ និងដៃគូអាមេរិករបស់យើង តែងនិយាយថា វៀតណាម រឹងមាំ ឯករាជ្យ ធន់ និងវិបុលភាព គឺស្ថិតនៅក្នុងផលប្រយោជន៍របស់អាមេរិក។ លោកបាននិយាយ នៅឯស្ថាប័ន Brookings Institution បន្ទាប់ពីជួបជាមួយមន្ត្រីកំពូលៗរួមទាំងរដ្ឋមន្ត្រីការបរទេស Antony Blinkenថា “យើងសង្ឃឹមថា អាមេរិកនឹងទទួលស្គាល់ស្ថានភាព សេដ្ឋកិច្ចទីផ្សាររបស់វៀតណាមក្នុងពេលឆាប់ៗនេះ”។ នៅក្នុងលិខិតមួយកាលពីដើមឆ្នាំនេះ ទៅកាន់រដ្ឋមន្ត្រីក្រសួងពាណិជ្ជកម្ម សមាជិកព្រឹទ្ធសភាចំនួន ៨រូបដែលដឹកនាំដោយ Sherrod Brown របស់គណបក្សប្រជាធិបតេយ្យរបស់លោកBiden បានជំរុញការសម្រេចចិត្តប្រឆាំងនឹងស្ថានភាពសេដ្ឋកិច្ចទីផ្សារវៀតណាម។ផ្នែកមួយចំពោះការព្រួយបារម្ភអំពីសិទ្ធិ
ការងារ រៀបចំនៅប្រទេសនេះ។
វៀតណាមបានផ្តល់សក្តានុភាព ក្នុងវិស័យសំខាន់ៗដែលអាមេរិកចាប់អារម្មណ៍រួមទាំងផ្នែក semiconductors សារធាតុរ៉ែសំខាន់ៗ និងបញ្ញាសិប្បនិម្មិត។ បក្សកុម្មុយនិស្តវៀតណាមកាលពីសប្តាហ៍មុន បានប្រកាសថាប្រធានាធិបតីវៀតណាមលោក Vo Van Thuong បានលាឈប់ពីតំណែង ដោយសារការរំលោភបំពាន និងពុករលួយ។ រដ្ឋមន្ត្រីការបរទេសវៀតណាមលោក Bui Thanh Sonបាននិយាយអំពីការលាលែងពីតំណែងនោះថា “យុទ្ធនាការប្រឆាំងអំពើពុករលួយរបស់វៀតណាមបាននិងកំពុងដំណើរការ ហើយត្រូវបានស្វាគមន៍ ដោយសហគមន៍អន្តរជាតិរួមទាំងអាជីវកម្មផងដែរ”។ លោកថា វៀតណាមមានការដឹកនាំសមូហភាពដោយសមាជបក្សធ្វើឡើងរៀងរាល់ 5 ឆ្នាំម្តង និងចក្ខុវិស័យគោលនយោបាយ ដែលបានកំណត់រហូតដល់ឆ្នាំ2045។
ការលាលែងពីតំណែងរបស់ប្រធានាធិបតី មិនប៉ះពាល់ដល់គោលនយោបាយការបរទេស ក៏ដូចជាគោលនយោបាយ អភិវឌ្ឍន៍សេដ្ឋកិច្ចរបស់យើងផ្ទាល់នោះទេ។ ថ្វីបើនៅមានស្នាមរបួសពីសង្គ្រាម រវាងប្រជាជាតិទាំងពីរក៏ដោយ ក៏អាមេរិក និងវៀតណាមបានពង្រីកកិច្ចសហប្រតិបត្តិការយ៉ាងខ្លាំងក្លា ចាប់តាំងពីការកសាងទំនាក់ទំនងឡើងវិញ កាលពី៣០ឆ្នាំមុន។ វៀតណាមមានភាពតានតឹងជាប្រវត្តិសាស្ត្រជាមួយចិន រួមទាំងជម្លោះនៅសមុទ្រចិនខាងត្បូង ដែលទីក្រុងប៉េកាំងបានទាមទារកាន់តែខ្លាំងឡើងប្រឆាំងទីក្រុងហាណូយ ហ្វីលីពីន និងប្រទេសផ្សេងៗទៀត។ លោក Bui បាននិយាយថា វៀតណាមបានប្តេជ្ញាចិត្ត ចំពោះទំនាក់ទំនងជាមួយទាំងអាមេរិក និងចិន ដែលកាលពីឆ្នាំមុន បានពង្រីកការសន្ទនា ដើម្បីបន្ធូរបន្ថយភាពតានតឹងដែលបានកើនឡើង។ យើងជឿថាការប្រកួតប្រជែងក្នុងចំណោមមហាអំណាចធំៗ គឺជារឿងធម្មជាតិ ប៉ុន្តែជម្លោះមិនមែនជារឿងជៀសមិនរួចនោះទេ។ ក្នុងការតភ្ជាប់នេះ វៀតណាមស្វាគមន៍ចំពោះកិច្ចប្រឹងប្រែងដែលកំពុងបន្ត ដើម្បីរក្សាស្ថិរភាពទំនាក់ទំនងរវាងអាមេរិក និងចិន៕
ប្រភព France24 ប្រែសម្រួលដោយគិរីដងរែក
