អង្គការ ក្រៅរដ្ឋាភិបាល និងរដ្ឋាភិបាលបាននិយាយថា វិធានការខ្លាំង និងជាបន្ទាន់ គឺចាំបាច់ដើម្បីទប់ស្កាត់ការធ្លាក់ចុះ នៃសត្វ ក្រៀល កម្រ និងជិតផុតពូជ នៅក្នុង ប្រទេសកម្ពុជាជាមួយនឹង កិច្ចខិតខំ ប្រឹងប្រែង អភិរក្ស ចាំបាច់ដើម្បីការពារ បក្សីពីបញ្ហា ប្រឈម ។ លោកប៊ូវ រៈស័ក្តិ នាយកប្រតិបត្តិ អង្គការ Birdlife Cambodia មានប្រសាសន៍ថា ៖ « ឥឡូវនេះ ជាពេលវេលាសម្រាប់ភាគីពាក់ព័ន្ធ ទាំងអស់ និងរដ្ឋាភិបាលក្នុងការសហការ និងចាត់វិធានការខ្លាំងក្លាដើម្បីទប់ស្កាត់ការ ធ្លាក់ចុះ នៃសត្វក្រៀលនៅកម្ពុជា » ។
លោកបន្ថែមថា សត្វក្រៀលកំពុងរងការគំរាមកំហែង ពីសកម្មភាពរបស់មនុស្សជាពិសេសដោយសារតែមនុស្សយកពង និងទន្ទ្រានយក ដីដែលជាកន្លែងសំបុកសត្វស្លាបតាមប្រពៃណី ។
លោកថា ៖ « សត្វក្រៀល មានអាយុខ្លី បើប្រៀបធៀបទៅនឹងសត្វស្លាបដទៃទៀត ហើយអត្រាកំណើតទាប ។ បើដាក់ពងបាន ១០ ពង នឹងញាស់បានតែ២ឬ៣ ប៉ុណ្ណោះ » ។ បក្សីនេះ ក៏រងផលប៉ះពាល់ផងដែរ ដោយកសិករដែលប្រើប្រាស់ជីគីមីទៅក្នុងបរិស្ថាន ។ អាហារ និងទឹក ដែលបក្សីស៊ីចូលទៅជាកខ្វក់ ហើយសម្លាប់សត្វ ។ លោកបានបន្តថា ឆ្នាំនេះមានករណីជាច្រើនករណី ។ លោកថា៖« ទាំងនេះ គឺជាបញ្ហាប្រឈមជាច្រើន ដែលប្រឈមមុខនឹងសត្វក្រៀល ។ យើងត្រូវចាត់វិធានការ យ៉ាងឆាប់រហ័សដើម្បីអភិរក្ស សត្វស្លាបនេះ » ។
លោកបានបន្តថា សត្វស្លាប និងក្រសួងបរិស្ថានជាមួយ អ្នកពាក់ព័ន្ធផ្សេងទៀតនឹងបង្កើតក្រុមមួយ ដើម្បីការពារ និងអភិរក្សសត្វ ក្រៀលរបស់កម្ពុជា និងដើម្បីបង្ក្រាប បទល្មើសសត្វព្រៃ ។
យោងតាមលោក វរៈសក្តិ ជំរឿនសត្វក្រៀល ២០២០ បានរកឃើញសត្វក្រៀល ចំនួន ១៩៤ នៅទីតាំងចំនួន ១០ ផ្សេងៗ គ្នាក្នុងប្រទេស កម្ពុជា ។ ជំរឿនឆ្នាំ ២០២២ មិនទាន់ត្រូវបានគេយកសិក្សានៅឡើយទេ ។ អ្នកនាំពាក្យក្រសួង បរិស្ថានលោកនេត្រភក្ត្រា មានប្រសាសន៍ថាសត្វក្រៀលជាសត្វ កម្រ ប៉ុន្តែចំនួនសត្វក្រៀលនៅកម្ពុជាមានការថយចុះ ។
លោកបានមានប្រសាសន៍ថា ៖ « យើងទាំងអស់គ្នាត្រូវចូលរួមការពារ និងអភិរក្ស ប្រភេទសត្វ កម្រនេះ ទាំងនៅក្នុងដីសំបុក និងនៅ តំបន់ដីសើមដែលជាកន្លែងសត្វ ក្រៀល និងសត្វស្លាប ផ្សេងទៀតរស់នៅ » ។
យោងតាមការសិក្សារបស់ អ្នកជំនាញចំនួនសត្វក្រៀលនៅលើពិភពលោក សព្វថ្ងៃនេះមានចន្លោះ ពី ១៣000 ទៅ ១៥000 ក្បាល ដែល រស់នៅ ក្នុង ប្រទេស ឥណ្ឌា អូស្ត្រាលី វៀតណាម ឡាវ និង កម្ពុជា ។
សត្វក្រៀលមានវត្តមានក្នុង ប្រទេសកម្ពុជា ជាច្រើនឆ្នាំមកហើយ ។ បើអ្នកទស្សនា ប្រាសាទបាយ័ន ក្នុងខេត្តសៀមរាបគេនឹងឃើញ ចម្លាក់សត្វក្រៀលនៅលើជញ្ជាំងប្រាសាទ ។ ក្រសួងក៏បាន និងកំពុង ធ្វើការជាមួយអង្គការ ដៃគូដើម្បី អភិរក្ស សត្វក្រៀល និងទី ជម្រករបស់ពួកវាដោយមានមន្ត្រីអនុរក្សចុះល្បាតជាប្រចាំនូវកន្លែងដែលសត្វក្រៀលរស់នៅសិក្សា ពីផលប៉ះពាល់ នៃការប្រែប្រួល អាកាសធាតុ និងការ គ្រប់គ្រង តំបន់ដីសើម ដែលបានកំណត់ ។
ដោយគីរីដងរែក
