រុស្ស៊ីបានបើកការវាយប្រហារដោយកាំជ្រួចមួយយប់កាលពីថ្ងៃព្រហស្បតិ៍ទៅលើហេដ្ឋារចនាសម្ព័ន្ធកំពង់ផែនៃតំបន់ភាគខាងត្បូងនៃទីក្រុង Odesa ដោយបានសម្លាប់មនុស្សម្នាក់ នេះបើយោងតាមបណ្តាញទំនាក់ទំនងសង្គម Facebook ។
សេចក្តីថ្លែងការណ៍បាននិយាយថា “កាំជ្រួច Kalibr ត្រូវបានបាញ់ចេញពីនាវាមុជទឹកក្នុងដែនទឹកនៃសមុទ្រខ្មៅក្នុងរយៈកម្ពស់ទាបខ្លាំង ដែលធ្វើអោយការរកឃើញមានការលំបាក”។
វាបាននិយាយថា “បុគ្គលិកស៊ីវិលម្នាក់ត្រូវបានសម្លាប់នៅពេលដែលអគាររដ្ឋបាលមួយក្នុងចំណោមអគាររដ្ឋបាលនៃកំពង់ផែត្រូវបានបុក” ។
វាបានបន្ថែមថា ឧបករណ៍ផលិតកម្មនៅក្នុងស្ថានីយដឹកទំនិញមួយត្រូវបានខូចខាត។
លោក Oleh Kiper ដែលជាប្រធានរដ្ឋបាលយោធាក្នុងតំបន់បាននិយាយកាលពីថ្ងៃព្រហស្បតិ៍ថា បុគ្គលិកដែលបានស្លាប់គឺជាឆ្មាំសន្តិសុខកើតក្នុងឆ្នាំ 1979 ។ អគារយាមនិងរថយន្តពីរគ្រឿងក៏ត្រូវបានបំផ្លាញផងដែរ។
នៅក្នុងការអាប់ដេតដាច់ដោយឡែកកាលពីថ្ងៃព្រហស្បតិ៍ កងកម្លាំងអាកាសអ៊ុយក្រែនបាននិយាយថា ខ្លួនបានកត់ត្រាមីស៊ីល Kalibr ចំនួនពីរពីនាវាមុជទឹកនៅសមុទ្រខ្មៅ និងយន្តហោះគ្មានមនុស្សបើក Shahed-136/131 ចំនួនប្រាំបីពីទិសដៅរបស់ Prymorsko-Akhtarsk ។
វាបាននិយាយថា កាំជ្រួច Kalibr មិនត្រូវបានស្ទាក់ចាប់នោះទេ ប៉ុន្តែយន្តហោះគ្មានមនុស្សបើកទាំង ៨ គ្រឿងត្រូវបានបំផ្លាញដោយកងទ័ពអាកាសនៅក្នុងតំបន់ Khmelnytskyi, Dnipropertovsk និង Donetsk ។
ប្រភព CNN ប្រែសម្រួលដោយគិរីដងរែក
