រយៈពេល ៤ខែដើមឆ្នាំ២០២២ ទេសចរបរទេសសរុបជាង ៣ម៉ឺននាក់ បានទិញបណ្ណចូលទស្សនារមណីយដ្ឋានអង្គរ ដែលចំនួននេះមានការកើនខ្ពស់ធៀបនឹងឆ្នាំ ២០២១។
គ្រឹះស្ថានអង្គរ បានចេញផ្សាយរបាយការណ៍សង្ខេបពីចំនួនទេសចរ និងចំណូលពីការលក់បណ្ណចូលទស្សនារមណីយដ្ឋានអង្គរ រយៈពេល៤ខែ ដើមឆ្នាំ២០២២។ សេចក្ដីប្រកាសព័ត៌មានដែលចេញផ្សាយនាថ្ងៃទី១ ឧសភា រយៈពេល៤ខែនេះ មានទេសចរសរុប ៣៣,២០៥នាក់ បានទិញបណ្ណចូលទស្សនារមណីយដ្ឋានអង្គរ កើនឡើងជាង៦០០ភាគរយ ធៀបនឹងឆ្នាំ ២០២១។ ចំនួននេះ គិតជាថវិកាមានចំនួន ១,៣៥២,៦១៥ ដុល្លារសហរដ្ឋអាមេរិក។
ក្នុងរបាយការណ៍ដដែលនោះ ក៏បានបញ្ជាក់ពីថវិកាដែលដកពីចំណូលទិញបណ្ណទស្សនារមណីយដ្ឋានអង្គរនេះ ទៅមូលនិធិគន្ធបុប្ផាផងដែរ ដែលសុរប ៦៦, ៤១០ដុល្លារសហរដ្ឋអាមេរិក នារយៈពេល៤ខែនេះ៕
ដោយគីរីដងរែគ
