(តូក្យូ)៖ យោងតាមប្រភពពីរដ្ឋាភិបាលជប៉ុនបានឱ្យដឹងថា រដ្ឋាភិបាលជប៉ុនគ្រោងនឹងបណ្តេញកុងស៊ុលរុស្ស៊ី ក្នុងការសងសឹកចំពោះប្រទេសរុស្ស៊ី ដែលបានធ្វើដូចគ្នាកាលពីសប្តាហ៍មុន ចំពោះអ្នកការទូតជប៉ុនដែលឈរជើងនៅទីក្រុង Vladivostok។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃអង្គារ ទី០៤ ខែតុលា ឆ្នាំ២០២២។
ក្រសួងការបរទេសរុស្ស៊ី បានបញ្ជាឱ្យស្ថានកុងស៊ុលជប៉ុន ចាកចេញពីប្រទេសកាលពីថ្ងៃទី២៦ ខែកញ្ញា លើការចោទប្រកាន់ថា ជប៉ុនកំពុងធ្វើចារកម្មលើប្រទេសរុស្ស៊ី ដោយការទទួលបានព័ត៌មានចាត់ថ្នាក់។ ក្រសួងបានប្រកាសថា មន្ត្រីកុងស៊ុលជប៉ុនមិនមែនជាមនុស្សល្អទេ ពីព្រោះ «ធ្វើឱ្យខូចផលប្រយោជន៍របស់រុស្ស៊ីទាក់ទងនឹងសន្តិសុខរបស់ខ្លួន ដោយធ្វើសកម្មភាពមិនស៊ីសង្វាក់គ្នានឹងភារកិច្ចរបស់កុងស៊ុល»។
រដ្ឋមន្ត្រីការបរទេសជប៉ុន លោក Yoshimasa Hayashi បានបដិសេធការចោទប្រកាន់នេះ ដោយលើកឡើងថា «មិនមានភស្តុតាងណាមួយ ដែលថាកុងស៊ុលបានចូលរួមក្នុងសកម្មភាពខុសច្បាប់ណាមួយឡើយ»៕
ប្រភព AFP ប្រែសម្រួលដោយគីរីដងរែក
