27 C
Phnom Penh
Wednesday, February 12, 2025
- Advertisement -spot_img

ចំណេះដឹង នឹង អប់រំ

- Advertisement -spot_img

ទស្សនៈចំពោះសេចក្ដីស្លាប់កាន់តែខ្លាចស្លាប់ សេចក្ដីស្លាប់កាន់តែមកជិត ។

  • អ្នករៀបចំស្លាប់បានល្អ រៀបចំរស់បានល្អ ។
  • អ្នកប្រសប់ស្លាប់ ប្រសប់រស់ ។
  • ភ័យកាន់តែខ្លាំង ព្រួយកាន់តែច្រើន អាយុកាន់តែខ្លី ។
  • អណ្ដាតភ្លើងកាន់តែធំ ប្រេងកាន់តែឆាប់អស់ ។
  • កំដៅកាន់តែខ្លាំង សាច់កាន់តែផុយរលួយ ។
  • កាយរស់ព្រោះតែអាហារ កាយមរណាព្រោះអាហារជាមូលហេតុ ។
  • ចិត្តរស់ព្រោះសង្ខារ ចិត្តមរណាព្រោះអាហារជាហេតុ ។
  • កង្វល់ និងការភ័យខ្លាច ជាហេតុ និងបច្ច័យនាំអោយវិលវល់ក្នុងវដ្ដសង្សា ។
  • អាត្មានិយម ជាឫសគល់នៃជាតិទុក្ខ ជារាទុក្ខ និងមរណៈទុក្ខ ។
  • បើយើងទទួលសេចក្ដីស្លាប់ដោយឧបេក្ខា សេចក្ដីស្លាប់ចូលមករកយើង ដោយឧបេក្ខា ។
  • បើយើងទទួលជាតិ ជរា ព្យាធិ មរណៈ ដោយមេត្តា ជាតិ ជរា ព្យាធិ មរណៈ ឥតបញ្ចេញកំហឹងដាក់យើងវិញទេ ។
  • អ្នកខ្លាចការពិត រមែងសុបិនឃើញភ័យ ។
  • បច្ចុប្បន្ន ក្លាយទៅជាអតីតកាល រាល់ដង្ហើមចេញចូល ។
  • សង្ខារថ្មី ក្លាយទៅជាសង្ខារចាស់ រាល់ខណៈចិត្ត ។
  • មនោទ្វារកាន់តែធំ វិថីចិត្តកាន់តែទូលាយ ចិត្តកាន់តែហើម ។
  • ហ៊ីងកាន់តែប៉ោង កំហឹងកាន់តែខ្លាំង កំហឹងកាន់តែខ្លាំង ហ៊ីងកាន់តែប៉ោង ហ៊ីងបែកធ្លាយសង្ខារបែកខ័ន្ធ ។
  • ភ័យក្នុង ភ័យក្រៅ ភ័យព្រោះខ្លាចស្លាប់ ភ័យភ្លាត់ចំណាប់ ស្លាប់មកដល់មុនភ័យ ។
  • លោភៈ គឺបែកធ្លាយ។ លោកធម៌ គីធម៌បែកធ្លាយ។ និន្នា និងពោលសរសើរជាធម៌បែកធ្លាយ លោភៈក៏បែកធ្លាយ អលោភៈក៏បែកធ្លាយ ។
  • យើងកើតពីភពបែកធ្លាយ រស់នៅក្នុងបែកធ្លាយ ទីបំផុតយើងនឹងបែកធ្លាយ ។
  • កាយយើងជាដុំដីតូច ក្នុងដុំដីធំ ។ ដីជាដុំល្ងង់ធំ រូបជាដុំល្ងង់តូច ។
  • យើងមកពីណា ត្រូវតែទៅទីនោះវិញ ។ មកពីដី ត្រូវទៅជាដីវិញ ។ មកទទេទៅវិញក៏ទទេ ។
  • បើគ្មានការភ្លេច និងការបាត់ទៅវិញទេ មនុស្សមិនអាចទ្រាំទ្រនឹងជីវិតបានឡើយ ។

ដោយ៖ គីរីដងរែក

- Advertisement -spot_imgspot_img

ព័ត៌មានចុងក្រោយ

អានបន្ដ

- Advertisement -spot_img